Khit Thit Evening News | June 6, 2026

Khit Thit သတင်းဌာန၏ ဇွန် ၆ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၆ ရက် ညနေပိုင်း တင်ဆက်ပေးမယ့် သတင်းတွေကတော့ -ပေါက်မြို့နယ်က ကုက္ကိုလ်စုကျေးရွာကနေ လက်နက်မချဘဲ ထွက်ပြေးတဲ့ အကြမ်းဖက် စစ်တပ်လက်အောက်ခံ ပျူစောထီး အယောက် ၇၀ ကျော်ကို လက်နက်ခဲယမ်းတွေနဲ့ အတူ တော်လှန်ရေးတပ်တွေက အရှင် ဖမ်းဆီးရမိထားတယ်လို့ ဓါတ်ပုံ ဗီယိုတွေနဲ့တကွ အညာတပ်ပေါင်းစုက ထုတ်ပြန်လာပါတယ်။ မကွေးတိုင်း မင်းတုန်းမြို့နယ်နဲ့ သရက်မြို့နယ်အတွင်း စစ်ကြောင်းထိုးနေတဲ့ အကြမ်းဖက် စစ်တပ်ကို တော်လှန်ရေးတပ်တွေက ကြားဖြတ်တိုက်ခိုက်ခြေမှုန်းမှုတွေအတွင်း စစ်တပ်ဘက်က ၈ ဦးကတော့ အသီးသီး သေကုန်ကြတဲ့အပြင် ဒဏ်ရာရတဲ့သူတွေပါများသွားပြီးနောက် သူတို့စစ်သားအလောင်းတွေနဲ့ ဒဏ်ရာရတဲ့သူတွေကို အသည်းအသန်ပြန်သယ်သွားကြတယ်လို့ ဗမာပြည် ကာကွယ်ရေး-USBA တပ်ဖွဲ့ တာဝန်ခံ ကိုသာချိုက ရန်ကုန်ခေတ်သစ်ကို ပြောပါတယ်။ မြန်မာ့အရေးအတွက် ကုလသမဂ္ဂလုံခြုံရေးကောင်စီက ထိရောက်မှု ကင်းမဲ့တဲ့ အဖွဲ့အစည်းဖြစ်နေပြီး မြန်မာစစ်တပ်ရဲ့ ရက်စက်ကြမ်းကြုတ်မှုတွေကို မျက်ကွယ်ပြုခဲ့ကြတယ်လို့ သံအမတ်ကြီး ဦးကျော်မိုးထွန်း က ကုလသမဂ္ဂညီလာခံမှာ တရားဝင် ဝေဖန်ပြောဆိုလိုက်ပါတယ်။ အမေရိကန်အောက်လွှတ်တော်မှာ ရီပတ်ဘလစ်ကန်ပါတီ အားသားနေတဲ့ကြားထဲက ယူကရိန်းအတွက် စစ်ရေးအကူအညီပေးရေးနဲ့ ရုရှားကို ပိတ်ဆို့အရေးယူမည့် ဥပဒေကြမ်းကို အတည်ပြုလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။