TUNAENDELEA NA UTEKELEZAJI WA MPANGO JUMUISHI WA CHW

“Kupitia Kikao hiki tutakuja na Mpango utakaoharakisha utekelezaji wa Mpango Jumuishi wa Wahudumu wa Afya Ngazi ya Jamii sambamba na kuongeza ubora na tija ambapo Wahudumu wa Afya watasaidia kwenye eneo la Afya, Lishe na Ustawi wa Jamii” Dkt. Meshack Chinyuli Afisa kutoka Mpango wa Taifa wa Huduma za Afya Ngazi ya Jamii akizungumza katika Kikao Kazi cha Kuandaa Mpango wa Kuharakisha Utekelezaji wa Mpango Jumuishi wa Wahudumu wa Afya Ngazi ya Jamii nchini kilichoratibiwa na Wizara ya Afya kwa kushirikiana na Shirika la Kuzuia na Kudhibiti Magonjwa la Afrika (Africa CDC) pamoja na Wadau wengine leo tarehe 3, Septemba, 2024 Jijini Dar es Salaam Pata elimu kuhusu masuala yote ya afya kupitia Channel hii. Mafunzo yote yanatolewa na Wizara ya Afya, Maendeleo ya Jamii, Jinsia, Wazee na Watoto kupitia Idara ya Kinga, Kitengo Cha Elimu ya Afya kwa Umma kwa kushirikiana na wadau mbali mbali