စစ်မှုထမ်းက ကယ်ထုတ်ပေးမယ်ဆိုပြီး မိသားစုတွေ ငွေလိမ်ခံနေရ (ရုပ်/သံ)

စစ်မှုထမ်းစုဆောင်းခံရတဲ့ မိသားစုဝင်တွေရဲ့ သောကကို အခွင့်ကောင်းယူပြီး လူမှုကွန်ရက်စာမျက်နှာတွေပေါ်မှာ ငွေကြေးလိမ်လည်မှုတွေ ကျယ်ကျယ်ပြန့်ပြန့် ဖြစ်ပေါ်နေပါတယ်။ အထူးသဖြင့် TikTok လူမှုကွန်ရက်ပေါ်မှာ အာဏာသိမ်းစစ်တပ်က အရာရှိတွေရဲ့ အမည်ရာထူးတွေနဲ့ အကောင့်တုတွေဖွင့်ပြီး၊ စစ်မှုထမ်းထဲပါသွားသူတွေကို ငွေပေးရင် ပြန်ထုတ်ပေးမယ်ဆိုတဲ့ မက်လုံးပေး လိမ်လည်မှုတွေ ခပ်စိပ်စိပ် တွေ့လာရတာ ဖြစ်ပါတယ်။ လိမ်လည်သူတွေဟာ ဗဟိုကို အသနားခံစာတင်ရမယ်၊ သင်တန်းကျောင်းနဲ့ မြို့နယ်မှူးတွေဆီမှာ အဆင့်ဆင့်လက်မှတ်ထိုးရမယ်ဆိုတဲ့အကြောင်းပြချက်တွေအပြင်၊ အယူခံစာအမြန်ကျဖို့အတွက် လူကြီးတွေကို ကန်တော့ရမယ်ဆိုပြီး ငွေကြေးတွေကို အကွက်ချလိမ်လည်နေကြတာဖြစ်ပါတယ်။ ပြည်သူ့စစ်မှုထမ်းဆင့်ခေါ်ရေးအဖွဲ့ တာဝန်ရှိသူကတော့ အပြင်လူတွေကတဆင့် စစ်မှုထမ်းတွေကို ပြန်ထုတ်ပေးလို့ မရဘူးလို့ ဧရာဝတီကို ပြောပါတယ်။ ၂၀၂၄ ခုနှစ်မှာ စစ်မှုထမ်းဥပဒေကို အသက်သွင်းလိုက်ပြီးနောက်ပိုင်း ပြည်သူတွေဟာ မိသားစုဝင်တွေ ပါသွားမှာကို နေ့စဉ်နဲ့အမျှ စိုးရိမ်သောကရောက်နေကြရသလို၊ တဖက်မှာလည်း စစ်မှုထမ်းထဲ ပါသွားသူတွေကို ပြန်ထုတ်ပေးမယ်ဆိုတဲ့ ငွေလိမ်ဂိုဏ်းတွေရဲ့ ထပ်ဆင့်ဒုက္ခပေးမှုကိုပါဆိုးရွားစွာ ရင်ဆိုင်နေကြရတာ ဖြစ်ပါတယ်။ #မြန်မာ #ဧရာဝတီ #စစ်မှုထမ်း #WhatsHappensInMyanmar ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ    / @irrawaddynews1993   Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။ စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation