હવે ICEના હાથમાં જે આવ્યું તે ગયું, ફાસ્ટ-ટ્રેક ડિપોર્ટેશનને મંજૂરી મળી ગઈ

અમેરિકાની કોર્ટે મંગળવારના રોજ એક એવો ચુકાદો આપ્યો છે કે જેના કારણે દેશમાં ઈલીગલી રહેતા લોકો માટે હવે ડિપોર્ટેશનથી બચવું વધુ મુશ્કેલ બની જવાનું છે. કારણકે કોર્ટની મંજૂરી બાદ યુએસના ગમે તે ખૂણામાંથી પકડાયેલા ઈલીગલ ઈમિગ્રન્ટને હવે કોર્ટમાં હાજર કર્યા વિના જ ફટાફટ ડિપોર્ટ કરી શકાશે. અપીલ્સ કોર્ટના આ ચુકાદાને ડિપોર્ટેશનની કાર્યવાહીને ઝડપી બનાવવા ધમપછાડા કરી રહેલા ડોનલ્ડ ટ્રમ્પ માટે મોટી જીત સમાન પણ ગણાવાઈ રહ્યો છે. અગાઉ મેક્સિકો બોર્ડર ક્રોસ કરનારા જે લોકો અરેસ્ટ થતા હતા તેમને એક્સપેડાઈટ રિમૂવલ હેઠળ તુરંત જ પાછા મોકલી દેવાતાં હતાં, પણ હવે એક્સપેડાઈટ રિમૂવલનો અમલ સમગ્ર અમેરિકામાં થઈ શકશે.