Mpina Atarejeshwa Kwenye Kinyang'anyiro cha Ugombea Urais? Kesi Kuendelea

Dodoma: Mahakama Kuu, Masjala Kuu Dodoma imesikiliza Shauri la Kikatiba namba 24027 la mwaka 2025 lililofunguliwa na Mgombea Urais wa chama cha ACT Wazalendo, Luhaga Mpina na Bodi ya Wadhamini ya chama hicho kupinga kitendo cha kuondolewa kwa mgombea Urais huyo kwenye Uchaguzi Mkuu. Akiongea Septemba 29, 2025 mkoani Dodoma Wakili John Seka amesema, mahakama imetoa uamuzi kwamba hoja zote zinazohusu shauri hilo zijadiliwe kwa maandishi kutokana na uzito wake. Aidha amesema, Serikali imekuja na pingamizi la kisheria kwamba Mahakama Kuu haina mamlaka ya kisheria ya kusikiliza shauri hilo la kumrudisha kwenye orodha ya wagombea, ambapo Mahakama Kuu imetoa maelekezo kwa Serikali kupeleka mawasilisho yao kuhusu hoja za kisheria za mapingamizi. Kiongozi wa Chama cha ACT-Wazalendo, Dorothy Semu, amesema chama hicho hakina wasiwasi kuhusu muda uliosalia kuelekea Uchaguzi Mkuu wa Oktoba 29, 2025, endapo Luhaga Mpina ataruhusiwa kugombea Urais wa Jamhuri ya Muungano wa Tanzania. Shauri hilo lililosikilizwa na Majaji watatu Jaji Fredrick Manyanda, Jaji Abdallah Gonzi na Jaji Sylvester Kainda limepangwa kurejea tena Mahakamani Oktoba 6, 2025, saa 8:00 mchana kwa ajili ya kuangalia iwapo pande zote zimezingatia maagizo ya Mahakama, na litakuwa mubashara kupitia kiunganishi cha Mahakama. You can follow us via; TWITTER:   / thechanzo   INSTAGRAM:   / thechanzo   FACEBOOK:   / thechanzo   TIKTOK: https://www.tiktok.com/@thechanzo?is_... Or visit our website: https://www.thechanzo.com Do you have news? contact us via Telegram/WhatsApp +255 753 815 105 The Source 2025 © All Rights Reserved.