Khit Thit Afternoon News | May 25, 2026

Khit Thit သတင်းဌာန၏ မေ ၂၅ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၂၅ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ -မြန်မာ နိုင်ငံရဲ့ သမ္မတအဖြစ် အတင်းအကျပ် ရာထူးရယူထားတဲ့ အကြမ်းဖက် မင်းအောင်လှိုင်က ပြည် ထောင်စုအတိုင်ပင်ခံကောင်စီဥက္ကဋ္ဌ အဖြစ် ဒုစစ်ခေါင်းဆောင်ဟောင်း စိုးဝင်းကို ခန့်အပ်ခဲ့ပေမယ့်လည်း စိုးဝင်းရဲ့ နေရာကို သာမန် ပြည်ထောင်စုဝန်ကြီးတစ်ဦးရဲ့ ရာထူးအဆင့်နှင့်အဆောင်အယောင်ကိုသာ ပေးအပ်ပြီး နိုင်ငံရေးအရ အဆင့်လျှော့ချထားတယ်လို့ နေပြည်တော်စစ်ဘက်သတင်းရင်းမြစ်က ပြောပါတယ်။ အမေရိကန်နိုင်ငံ နယူးယောက်မြို့မှာရှိတဲ့ ကုလသမဂ္ဂဌာနချုပ်မှာ မြန်မာနိုင်ငံအပါအဝင် ကုလသမဂ္ဂအဖွဲ့ဝင် ၈၈ နိုင်ငံ စုပေါင်းပြီး စစ်ပွဲနဲ့ ပဋိပက္ခတွေကြားထဲ ရောက်နေတဲ့ အပြစ်မဲ့ အရပ်သားပြည်သူတွေကို အကာအကွယ်ပေးဖို့ ပူးတွဲကတိကဝတ်တစ်ခုကို မေလ ၂၁ ရက်နေ့က အတည်ပြုလိုက်တယ်လို့ အမျိုးသားညီညွတ်ရေးအစိုးရ NUG ကထုတ်ပြန်ထားပါတယ်။ စစ်ကိုင်းတိုင်း၊ ကသာမြို့ နှင့် နဘားရွာ အကြားမှာရှိတဲ့ ပင်းမလွတ်ရွာအနီးမှာ စစ်ကား ၃ စီးကို KIA တပ်ပေါင်းစုက ကြားဖြတ် တိုက်ခိုက်ခဲ့တာ ကြောင့် စစ်သား ၁၃ယောက်သေဆုံးပြီး လက်နက် ခဲယမ်းတွေ သိမ်းဆည်းရရှိခဲ့တယ်လို့ KIA စစ်ရေးသ တင်းရင်းမြစ်က ရန်ကုန်ခေတ်သစ်ကိုပြောပါတယ်။ အီရန်နိုင်ငံနဲ့ ရရှိမယ့် ဘယ်လိုနောက်ဆုံးသဘော တူညီချက်မဆို တဟီရန်ဘက်က ရှိနေတဲ့ နျူကလီးယား ခြိမ်းခြောက်မှုတွေကို ဖယ်ရှားပစ်ရမယ်ဆိုတဲ့ အချက်အပေါ် မိမိနဲ့ အမေရိကန်သမ္မတ ဒေါ်နယ်ထရမ့်တို့ သဘောတူညီမှု ရရှိခဲ့ကြတယ်လို့ အစ္စရေးဝန်ကြီး ချုပ် ဘင်ဂျမင် နေတန်ယာဟုက တနင်္ဂနွေနေ့မှာ ကြေညာလိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေး ပါတယ်။