Khit Thit Afternoon News | June 9, 2026

Khit Thit သတင်းဌာန၏ ဇွန် ၉ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၉ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ အကြမ်းဖက် မင်းအောင်လှိုင်ရဲ့ သားဖြစ်သူ အောင်ပြည့်စုံ က ဦးဆောင်လုပ်ကိုင်နေတဲ့ ရတနာပုံမြို့သစ် စီမံကိန်း အပါအဝင် မြန်မာနိုင်ငံမှာ ရင်းနှီးမြှုပ်နှံဖို့ မင်းအောင်လှိုင်ရဲ့ ဖိတ်ခေါ်မှုအပေါ် အိန္ဒိယစီးပွားရေး လုပ်ငန်းရှင်တွေ စိတ်ဝင်စား မှုနည်းပါးနေတယ်လို့ UMFCCI ရဲ့ စီးပွားရေး သတင်းရင်းမြစ်က ရန်ကုန်ခေတ်သစ်ကို ပြောပါတယ်။ ကချင်ပြည်နယ်၊ ရွှေကူမြို့က ပြည်သူတွေ အားလုံး မြို့တွင်းကနေ ထွက်ခွာတိမ်းရှောင်ပေးဖို့ KIA တပ်မဟာ ၁၁ တပ်ရင်း ၁၂ က ဇွန်လ ၈ ရက်နေ့စွဲ နဲ့ ထုတ်ပြန် သတိပေးလိုက်ပါတယ်။ -တနင်္သာရီတိုင်း၊ လောင်းလုံးမြို့နယ် အတွင်း စစ်ကြောင်းထိုးခဲ့တဲ့ စစ်တပ်ကို ဒရုန်းဗုံး ၉၀ ကျော်နဲ့ တိုက်ခိုက် ခဲ့တာကြောင့် စစ်သားတွေ ထိခိုက်သေဆုံးမှုများပြားခဲ့ပြီး စစ်ပြဲရွာကို စစ်တပ်က ထပ်မံ စစ်ကြောင်းထိုးဝင် ရောက်လာတာကြောင့် စစ်ရေးတင်းမာနေတယ်လို့ လောင်းလုံးသံမဏိ လိပ်ပြာတပ်ဖွဲ့ ထုတ်ပြန်ချက်နဲ့ ဒေသစစ်ရေးသတင်းရ င်းမြစ် ပြောဆိုချက်အရ သိရပါတယ်။ အမေရိကန်သမ္မတ ဒေါ်နယ်ထရမ့်က "ပစ်ခတ်နေတာတွေကို ချက်ချင်းရပ်ကြဖို့" လူသိရှင်ကြား တောင်းဆိုလိုက်ပြီးနောက်မှာ အစ္စရေးနဲ့ အီရန်နိုင်ငံတို့ဟာ တစ်နိုင်ငံနဲ့တစ်နိုင်ငံ အပြန်အလှန် ဗုံးကျဲတိုက်ခိုက်နေတာတွေကို လောလောဆယ် ယာယီရပ်နားထားလိုက်ပြီလို့ ဇွန်လ ၈ ရက်နေ့မှာ နှစ်ဖက်စလုံးက ထုတ်ဖော်ပြောဆိုလိုက်ကြတဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။