Khit Thit Evening News | June 9, 2026

Khit Thit သတင်းဌာန၏ ဇွန် ၉ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၉ ရက် ညနေပိုင်း တင်ဆက်ပေးမယ့် သတင်းတွေကတော့ -စင်ကာပူနိုင်ငံမှာ မှတ်ပုံတင်ထားပြီး မြန်မာစစ်တပ်အတွက် လက်နက်ပွဲစားအဖြစ် လုပ်ဆောင်နေတဲ့ ကုမ္ပဏီ ၁၃ ခုကို ပယ်ဖျက်အရေးယူပေးဖို့ Justice For Myanmar က ဒီကနေ ဇွန်လ ၉ ရက်နေ့မှာပဲ တောင်းဆို လိုက်ပါတယ်။ မြန်မာ့အရေး ဖြေရှင်းဖို့အတွက် ဒေါ်ဆောင်ဆန်းစုကြည်အပါအဝင် နိုင်ငံရေးအကျဉ်းသားအားလုံး ချွင်းချက်မရှိ ပြန်လွှတ်ပေးဖို့ နဲ့ သက်ဆိုင်သူအားလုံး တွေ့ဆုံဆွေးနွေးဖို့အချက်တွေပါတဲ့ အာဆီယံဘုံ သဘောတူညီချက် ၅ ရပ်ကို မူဘောင်အဖြစ် ဆက်လက်ထားရှိဖို့က အရေးကြီးတဲ့အကြောင်း အင်ဒိုနီးရှားနိုင်ငံခြားရေးဝန်ကြီးက အကြမ်းဖက် မင်းအောင်လှိုင်ကို ပြောဆိုခဲ့တယ်လို့ အင်ဒိုနီးရှား နိုင်ငံခြားရေးဝန်ကြီးဌာနက တရားဝင် သတင်းထုတ်ပြန်လာပါတယ်။ အကြမ်းဖက် စစ်တပ် ထိန်းချုပ်ထားတဲ့ မန္တလေး မြို့ပေါ်မှာ ပေါ်တာဆွဲဖမ်းဆီးမှုတွေ နေရာအနှံ့ ဖြစ်ပွားနေပြီး ဆိုင်ကယ်လုယက်မှုတွေ အပါအဝင် ရာဇဝတ်မှုခင်းတွေလည်း ထိန်းမနိုင် သိမ်းမရ မြို့လယ်ခေါင် နေရာတွေမှာပါ နေ့အချိန်ကြီးတွေလည်း ဖြစ်ပွားနေတယ်လို့ မန္တလေးမြို့ ကင်းထောက် သတင်းရင်းမြစ်တွေက ရန်ကုန်ခေတ်သစ်ကို ပြောပါတယ်။ အမေရိကန်က တရုတ်အလီဘာဘာ လုပ်ငန်းစု နဲ့ BYD ကုမ္ပဏီ အပါအဝင် တရုတ်စီးပွားရေးလုပ်ငန်း အချို့ကို တရုတ်စစ်တပ်အတွက် ကူညီနေတဲ့ ကုမ္ပဏီတွေအဖြစ်ကြေညာပြီး စီးပွားလုပ်ခွင့် ပိတ်ပင်လိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။