နေပြည်တော် မျက်လှည့်ပြပွဲ နောက်ကွယ်ကလူသတ်ပွဲများ | People's Spring

နေပြည်တော် မျက်လှည့်ပြပွဲ နောက်ကွယ်ကလူသတ်ပွဲများ နေ့သစ်/People's Spring စစ်တပ်လွှတ်တော်စတင်တဲ့လ ၊ လေယာဉ်ဆီအပါအဝင် စက်သုံးဆီတွေ ရှားပါးတဲ့ လဟာ မြန်မာနိုင်ငံမှာ စစ်တပ်က ပြည်သူတွေကိုဗုံးကြဲသတ်ဖြတ်မှု အများဆုံး လ ဖြစ်လာပါတယ်။ စစ်တပ်စိတ်တိုင်းကျစီစဉ်ခဲ့တဲ့ရွေးကောက်ပွဲကနေ စစ်ယူနီဖောင်းချွတ် တိုက်ပုံပြောင်းဝတ်ပြီးလွှတ်တော်ရောက်လာသူတွေ ၊ စစ်တပ်မွေးထားတဲ့ပါတီတွေက ပုဂ္ဂိုလ်တွေ ၊တစ်မတ်သားခွဲတမ်းအရ စစ်ယူနီဖောင်းတွေဝတ်ပြီး လွှတ်တော်တက်သူတွေနဲ့ မတ်လ ၁၆ ရက်မှာ စစ်တပ်လွှတ်တော်စတင်ခဲ့ပါတယ် ။ စစ်တပ် လွှတ်တော်ကနေ ၂၀၁၁ တုန်းကလိုပဲ စစ်သားတွေကနေ အရပ်သားယူနီဖောင်းပြောင်းဝတ်ပြီး ကမ္ဘာနဲ့ မြန်မာပြည်သူတွေကိုမျက်လှည်ပြဖို့ စစ်ရာဇဝတ်မှုတွေကနေကိုယ်လွှတ်ရုန်းပြီးတော့ အာဏာသိမ်းမှုအောင်မြင်ဖို့ စစ်တပ်ကစိတ်ကူးယဉ်နေပါတယ် ။ ဒီအခြေအနေကိုအာဏာရှင်နိုင်ငံတွေဖြစ်တဲ့ တရုတ် ၊ရုရှား ၊ဘယ်လာရုဇ် အပါအဝင် နိုင်ငံအချို့က စစ်တပ်ကိုကောင်ချီးပေး အသိအမှတ်ပြုပေးဖို့စောင့်နေကြတာပါတ။ ဒါပေမယ့် အာဏာသိမ်းစစ်အုပ်စုကပဲ မတရားလုယူထားတဲ့အာဏာကို ဘယ်လက်ကနေ ညာလက်ပြောင်းယူဖို့ ပြင်နေချိန်မှာတောင် သူတို့ရဲ့ ပင်ကိုယ်ရုပ်ကိုထပ်မံပြသနေပါတော့တယ် ။ အဲတာကတော့ နိုင်ငံတစ်ဝန်း ခုခံတော်လှန်မှုအားကောင်းတဲ့ဒေသတွေကို စစ်တပ်က ပြည်သူတွေကိုပါ ပစ်မှတ်ထားပြီး လေယာဉ်အုပ်တွေနဲ့ ဗုံးကြဲသတ်ဖြတ်တာဖြစ်ပါတယ် ။ ဟုတ်ပါတယ် ။စစ်တပ်လွှတ်တော်ခေါ်တဲ့ ၂၀၂၆ မတ်လမှာ တနည်းအားဖြင့် အီရန်-အမေရီကန် စစ်ပွဲကြောင့် ကမ္ဘာတစ်ဝန်း စက်သုံးဆီးရှားပါးချိန်မှာ စစ်တပ်က တိုက်လေယာဉ်တွေ၊ လေယာဉ်တွေနဲ့ ဗုံးမိုးတွေရွာပြီး ပြည်သူတွေကို အစုလိုက်အပြုံလိုက်သတ်ဖြတ်ခဲ့တာပါ။ ဒါကြောင့် စစ်တပ်လွှတ်တော်ခေါ် မျက်လှည်ပြပြီး ဟန်ပြအစိုးရဖွဲ့ဖို့လုပ်နေချိန် ၊ လေယာဉ်ဆီရှားပါးလို့ ပြည်တွင်းလေကြောင်းခရီးစဉ်တွေရပ်နားထားချိန် ပြည်သူတွေစက်သုံးဆီကို အသေခံတန်းစီပြီးဝယ်ယူနေရချိန်မှာ စစ်တပ်က လေယာဉ်အုပ်တွေနဲ့ ဗုံးကြဲသတ်ဖြတ်နေတဲ့အကြောင်း ဒီတစ်ပါတ်ပြောပြမှာဖြစ်ပါတယ်။ ●ညောင်လေးပင် လူသတ်ပွဲ ပဲခူးတိုင်း၊ ညောင်လေးပင်မြို့နယ် ၊ ရေတွင်းကုန်း၊ ခရုကုန်း နဲ့ ကျောင်းကုန်းရွာတွေကိုစစ်တပ်တပ်မ(၇၇) လက်အောက်ခံ ပူးပေါင်းတပ်တွေကအင်အား (၁၀၀) ဝန်းကျင်ပါ စစ်ကြောင်းက မတ်လ (၅)ရက်မနက်အစောရောက်လာပါတယ် ။ အဲဒီနောက် ပြည်သူ ၃၀၀ ကျော်ကို ဓါးစာခံအဖြစ်ဖမ်းဆီး နှိပ်စက်ပါတယ် ။ တစ်ချိန်တည်းမှာ ကျောင်းကုန်းရွာမှာ စစ်သားတွေကိုကြောက်လို့ဘုန်းကြီးကျောင်းမှာ သွားပုန်းကြတဲ့ ကလေးငယ်တွေ ၊အမျိုးသမီးတွေအပါအဝင်ပြည်သူအများစု အဖမ်းခံခဲ့ရပါတယ် ။ဘုန်းကြီးကျောင်းမှာ ပြည်သူတွေအစုလိုက်အပြုံလိုက်ရှိနေချိန်မှာ စစ်တပ်က တိုက်လေယာဉ် ၊ဒရုန်းတွေ အသုံးပြုပြီး ဘုန်းကြီးကျောင်းကိုဗုံးကြဲလိုက်ပါတယ် ။ ကလေးငယ်တွေ ၊အမျိုးသမီးတွေအပါအဝင် နေရာမှာတင် ၂၅ ဦးသေဆုံးခဲ့ပါတယ် ။ဒါ့အပြင် ရွာထဲမှာ ကလေးငယ် တဦး ၊စိတ်ကျန်းမာရေးမကောင်းသူ တဦး ၊ ကာကွယ်ရေးတပ်ဖွဲ့ဝင် တဦးကို စစ်တပ်ကပစ်သတ်ခဲ့ပါတယ် ။ သေသွားသူတွေရဲ့ ရုပ်အလောင်းတွေကို ဓါးစာခံအဖြစ်ဖမ်းဆီးခံထားရတဲ့ ရွာသားတွေက မိသားစုဝင်တွေကို မြေမြှပ်သဂြိဟ်ခွင့်ပေးဖို့ စစ်တပ်ကို ရှင်ခိုးတောင်းပန်ကြရပါတယ်။အဲလိုတောင်းပန်ပြီးမှ ကိုယ့်မိသားစုကိုယ်ပြန်မြေကျင်းတူးမြေမြှပ်ခဲ့ရတာဖြစ်ပါတယ် ။ "ကျွန်တော်က ဘာကိုရင်နာလည်းဆိုတော့ ကျွန်တော့်သားလေးကို အဲဒီလိုပစ်သတ်လို့ ကျွန်တော် တအားရင်နာတာ။ အပစ်မဲ့ ကလေးလေးပါဗျာ။ PDF လည်းမဟုတ်ပါဘူး။သူ့လွယ်အိတ်လေးထဲမှာ သူ့ညီမ အဝတ်အစားလေးနဲ့ ပိုက်ဆံသုံးသိန်းနဲ့ ဖုန်းနှလုံးနဲ့။ကျွန်တော့်မှာ ရင်ကွဲမတက်ခံစားရတယ်။မိန်းမ သေ သွားတာ သိပြီ။ဒီကလေး လေးကို ပစ်သတ်တာကို ကျွန်တော်လေ လုံးလုံးခံစားရပါတယ်။ကျွန်တော်ကိုယ်တိုင်သဂြိုလ်ခဲ့ရတာ" လို့စစ်တပ်က သတ်လို့ ဇနီးသည် နဲ့ ၁၃ နှစ်အရွယ် သားငယ်ကိုဆုံးရှုံးခဲ့ရတဲ့မျက်မြင်သက်သေ ကိုမျိုး(အမည်လွဲ)က စစ်တပ်ကျူးလွန်တဲ့ညောင်လေးပင်လူသတ်ပွဲအကြောင်းသတင်းစာရှင်းလင်းပွဲမှာ ပြန်ပြောပြတာပါ။ ကျောင်းကုန်းရွာအဖြစ်ဆိုးမှာ ပြည်သူ အနည်းဆုံး၂၈ ဦးသေဆုံးခဲ့ပြီးအများအပြားဒဏ်ရာရခဲ့ပါတယ် ။ဒဏ်ရာရသူတွေကို တော်လှန်ရေးတပ်တွေက ဆေးကုသစောင့်ရှောက်ပေးနေတာဖြစ်ပါတယ်။စစ်တပ်ကဓါးစာခံအဖြစ် ဖမ်းဆီးထားတဲ့ ပြည်သူ ၃၀၀ ကျော်ကို PDF နဲ့ KNLA တပ်ဖွဲ့ဝင်တွေက ကယ်တင်ရင်း တော်လှန်ရေးရဲဘော် ၁၁ ဦးကျဆုံးခဲ့ပါတယ် ။ ဓါးစာခံအဖြစ်ဖမ်းဆီးခံရတဲ့ရွာသားတွေလည်းပြန်လွတ်မြောက်ပြီးတော့ စစ်တပ်စစ်ကြောင်းလည်းသေဆုံးထိခိုက်သူများပြီးအထိနာခဲ့ပါတယ် ။ ●စစ်သုံ့ပန်းစစ်သား ၁၀၀ ကျော်ကိုဗုံးကြဲသတ်ခြင်း မတ်လ ၈ ရက်မှာ ရခိုင်ပြည်နယ်၊အမ်းမြို့နယ်၊ဒါးလက်ချောင်းဒေသမှာ စစ်သုံ့ပန်းအကျဉ်းစခန်းကိုစစ်တပ်က လေကြောင်းကနေ ဗုံးကြဲလို့ စစ်တပ်ကအရာရှိအများအပြားအပါအဝင်စစ်သုံ့ပန်း(၁၁၆)ဦး သေဆုံးပြီး (၃၂) ဦး ဒဏ်ရာရတယ်လို့အာရက္ခတပ်တော်(AA)က ထုတ်ပြန်ပါတယ်။ မတ်လ (၈) ရက် မနက် ၁၁ နာရီကျော်ကနေ နေ့လယ် ၂ နာရီခွဲနီးပါးအထိ သုံးနာရီကျော်ကြာဂျက်ဖိုက်တာ(၄) စီး၊ Y-12 (၄) စီး အသုံးပြုပြီးတော့ AA ဖမ်းထားတဲ့စစ်သားတွေကို စစ်တပ်ကဗုံးကြဲခဲ့တာပါ။အဲဒီစစ်သားတွေဟာ အမ်းမြိူ့မှာအခြေစိုက်တဲ့ စစ်တပ်ရဲ့ အနောက်ပိုင်းတိုင်းစစ်ဌာနချုပ် (နပခ) မှာ စစ်တပ်အတွက် တိုက်ခိုက်ရင်း ဖမ်းဆီးခံရတဲ့စစ်သုံ့ပန်းတွေဖြစ်ပါတယ်။ စစ်တပ်အတွက် နောက်ဆုံးအချိန်ထိ တိုက်ခိုက်ပေးခဲ့တဲ့စစ်သားတွေကို စစ်တပ်က ဗုံးကြဲပြီးပြန်သတ်တာပါ ။ ဒါကြောင့်စစ်တပ်ရဲ့ လူ့အခွင့်အရေး ချိုးဖောက်မှုတွေအပေါ် တာဝန်ယူမှု တာဝန်ခံမှုရှိဖို့လုပ်တဲ့ လုပ်ရပ်တွေကို ဆက်လက်အားပေးရမယ်။ ကမ္ဘာ့လုံးဆိုင်ရာတရားစီရင်ပိုင်ခွင့်အရ ICC ၊ICJ အပါအဝင်၊ တီမောလက်စ်တေးနိုင်ငံမှာ စစ်ခေါင်းဆောင်တွေကိုတရားစွဲဆိုပြီး အရေးယူနိုင်ဖို့ကြိုးစားနေတဲ့ လုပ်ရပ်တွေကို အားပေးရမှာဖြစ်တယ်လို့ သူကပြောကြားလိုက်ပါတယ်။ ။ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA