ചാകര കടലിൽ മീൻ കൂടുന്നതല്ല MUD BANKS OF KERALA #fishing #kerala #chakara #ചാകര #facts #science

ചാകര എന്നാൽ എന്താണെന്ന് ചോദിച്ചാൽ ആർക്കും ഒരു സംശയവും ഇല്ലാത്തവിധം ഉറച്ചുപോയ ഒരു സങ്കൽപ്പം ഉണ്ട്. ചില തീരങ്ങളോട് ചേർന്ന് കടലിൽ അത്ഭുതം പോലെ ധാരാളമായി മത്സങ്ങൾ പുളച്ച്കളിക്കുന്ന ഒരു പ്രതിഭാസം എന്ന്. ആർക്കും തീരത്ത് നിന്ന് വേണമെങ്കിൽ മീൻ വാരാം എന്ന അവസ്ഥ. ചെമ്മീൻ എന്ന മലയാള സിനിമയിലെ ‘ പുത്തൻ വലക്കാരേ എന്ന് തുടങ്ങുന്ന പാട്ടിൽ ചാകര മൂലം കടപ്പുറത്തിന്നുത്സവമായ്’ എന്നാണ് പറയുന്നത്. ആ പാട്ടും രംഗവും ആ സിനിമ കണ്ട എല്ലാവരുടെ മനസിൽ മായാതെ നിൽക്കുന്ന ഒന്നാണല്ലോ. ചാകര എന്നാൽ മത്സ്യം കൂടുതലായി ഒരിടത്തടിയൽ അല്ല. കാറ്റും കോളും കൊണ്ട് കടൽ നമ്മുടെ തീരങ്ങൾ മുഴുക്കെ കലികൊണ്ട് നിൽക്കുന്ന കാലവർഷക്കാലത്ത്, മംഗലാപുരം മുതൽ കൊല്ലം വരെയുള്ള തീരത്ത്, , ചില പ്രതിഭാസങ്ങൾ മൂലം ഒരു പ്രദേശത്ത് മാത്രം കടൽ പൂർണ്ണമായും ശാന്തമായി തിരയില്ലാതെ ചത്തതുപോലെ കിടക്കുന്നതാണ് ചാകര. ചാകര - ചാവ് കര - എന്ന ശാന്ത കര ( ശാന്തമായ തീരം). ലോകത്ത് കേരള തീരത്ത് മാത്രമുള്ളതാണ് ഈ അത്ഭുതം. അർദ്ധവൃത്താകൃതിയിലാണ് ഇത് രൂപപ്പെടുന്നത്. തീരത്തോട് ചേർന്ന് നാലുമുതൽ അഞ്ച് കിലോമീറ്റർ വരെയും അഞ്ചോ ആറോ കിലോമീറ്റർ ഉൾക്കടലിലേക്കും ഈ പ്രശാന്തമേഖല പരന്ന് കിടക്കും. പഴയകാലത്ത് തോണികളിലും ചെറിയ ബോട്ടുകളിലും മാത്രം കടലിൽ പോയിരുന്നവരൊക്കെ കടലിൽ ഇറങ്ങാനാവാതെ പട്ടിണിയിലാകുന്ന കാലമാണത്. കടലിലേക്ക് സുരക്ഷിതമായി വഞ്ചിയും ബോട്ടും ഇറക്കാനാകുന്ന നിശ്ചലമായി കിടക്കുന്ന ആ കുഞ്ഞ് വിടവ് കടലിലേക്കുള്ള കവാടമായി മാറും. ആ സ്ഥലത്തേക്ക് പലയിടങ്ങളിൽ നിന്നുമായി തോണിക്കാർ അവരുടെ തോണികളുമായെത്തി കടലിലേക്കിറക്കും. അതുപോലെ മത്സ്യവുമായി തിരിച്ച് തീരത്തേക്കും എത്തുന്നത് അതേ സ്ഥലത്ത് തന്നെയാവുമല്ലോ, വേറെങ്ങും കരയിലേക്ക് വഞ്ചിയടുപ്പിക്കാനാവില്ല. . അവിടെയുള്ള മീൻ മാർക്കറ്റ് നിറയെ പലവഞ്ചികളിൽ നിന്നിറക്കിയ മീൻ കൊണ്ട് നിറയും . അവിടേക്ക് കച്ചവടക്കാർ പല സ്ഥലങ്ങളിൽ നിന്നും എത്തും . അവിടെ ഒരു ഉത്സവപ്രതീതിയായിരിക്കും ആ ദിവസങ്ങളിൽ. കുറച്ച് ദിവസം നീണ്ടു നിൽക്കുന്ന ഈ പ്രതിഭാസം ഒരേ സ്ഥലത്ത് തന്നെ പിന്നീട് ഉണ്ടാകണം എന്നും ഇല്ല. പല കാരണങ്ങളാണ് ചാകരയ്ക്ക് കാരണമായി പറയുന്നത്. തെക്ക് പടിഞ്ഞാറൻ മണസൂൺ കാറ്റിൽ തിരകൾക്ക് ശക്തികൂടുകയും അവ തീരത്തടിച്ച്കയറി മണ്ണിളക്കികുഴമ്പ്പോലാക്കും. തീരത്തോട് ചേർന്ന കടൽ വെള്ളം കലങ്ങി മറിയും. മഴ ശക്തിയോടേ നിലത്ത് പതിക്കുന്നതിനാൽ മണ്ണിളകി ഒഴുകിയും കടൽ തീരത്തെ വെള്ളത്തിൽ എത്തും. വെള്ളം കട്ടിക്കുഴമ്പ് സസ്പെൻഷൻ ലായനി പോലെ ആകും. തീരത്തേക്ക് പാഞ്ഞ് കുതിച്ചെത്തുന്ന തിരകളുടേ ശക്തി ഈ കുഴമ്പ്ജലം ആഗിരണം ചെയ്യും . അതോടെ തിരകളില്ലാത്ത ശാന്തമായ തീരമായി മാറും അത്. എല്ലാ ഇടങ്ങളിലും മഴയും ചെളിയും ഒക്കെ ആ കാലത്ത് കടലിൽ തീരത്തോട് ചേർന്ന് ഉണ്ടാകുന്നെങ്കിലും , ചില പ്രദേശങ്ങളിലെ ആഴം , മണ്ണിന്റെ സ്വഭാവം തുടങ്ങി പല ഘടകങ്ങളെ ആശ്രയിച്ച് അപൂർവമായി മാത്രമേ ചാകര സംഭവിക്കാറുള്ളു. . ഇംഗ്ലീഷിൽ ചാകരയ്ക്ക് മഡ് ബാങ്ക് എന്നാണ് പേര്. അപൂർവമായി ഇത്തരം ചാകര പ്രദേശത്ത് , പ്ലവകങ്ങൾ അടിഞ്ഞ് കൂടീട്ടുണ്ടെങ്കിൽ ചിലയിനം മത്സ്യങ്ങൾ കുറച്ച് കൂടുതലായി കണ്ടുകൂടെന്നുമില്ല. എന്നാൽ ഭൂരിപക്ഷം സമയവും മത്സ്യങ്ങൾ കൂടുതലായി കാണണമെന്നേ ഇല്ല. എന്നാൽ പലപ്പോഴും മഴക്കാലത്തും അല്ലാത്തപ്പോഴും ധാരാളം ചാള, മത്തി മത്സ്യം കൂടുതലായി കരയിലേക്ക് ചാടിക്കയറി പിടക്കുന്ന വീഡിയോകൾ കാണാറുണ്ട്. അതിനേയും ചിലർ ചാകര എന്ന് തെറ്റായി പറയാറുണ്ട്. പതിനായിരക്കണക്കിന് എണ്ണങ്ങൾ കൂട്ടമായി സഞ്ചരിക്കുന്ന ശീലമുള്ള ഇത്തരം മത്സ്യങ്ങൾ അവയുടെ പാതയിൽ എന്തെങ്കിലും അലോസരങ്ങളോ തടസങ്ങളൊ ഉണ്ടായാൽ കരയോട് കൂടുതൽ ചേർന്ന് സഞ്ചരിച്ച് കളയും. ജങ്കാർ സർവീസ്, തൊട്ട് കടലിലെ നിർമ്മാണപ്രവർത്തികൾ വരെ ഇവർക്ക് തടസമായി അനുഭവപ്പെടാം. ഇവരുടെ വങ്കൂട്ടങ്ങളിൽ അരികിലുള്ളവർ കൂടുതൽ കരയിലേക്ക് തള്ളിമാറ്റപ്പെട്ട് കരയിലായി പോകുന്നതാണ് അത്തരം മീൻ കയറ്റങ്ങൾക്ക് കാരണം. അതും ചാകരയുമായും ഒരു ബന്ധവും ഇല്ല. . Mud Banks along the southwest coast of India are not too muddy for plankton Copyright Disclaimer: - Under section 107 of the copyright Act 1976, allowance is mad for FAIR USE for purpose such a as criticism, comment, news reporting, teaching, scholarship and research. Fair use is a use permitted by copyright statues that might otherwise be infringing. Non- Profit, educational or personal use tips the balance in favor of FAIR USE This video includes images from Wikimedia Commons, and some other sources. I believe my use of these images falls under the fair use doctrine. I do not claim ownership of these images, and they are used for educational/illustrative purposes. This video uses images from Wikimedia Commons under the fair use doctrine for educational purposes. This falls within the guidelines of fair use as it enhances the understanding of knowledge about different insects, mammels , reptails etc and explaining scientific facts simply through visual illustration.This video is for educational purpose only. i strive to adhere to all relevant copyright laws and regulations. If you believe that any material in this video infringes on your copyright, please contact me immediately for rectification.