Nis stërvitja e trupave ushtarake britanike me ato shqiptare në Zall Herr-(5 Korrik 2006)

Lajme Arkiva 2006 150 ushtarë britanikë kanë nisur prej disa ditësh një stërvitje të përbashkët me forcat ushtarake shqiptare për trajnimin e rekrutëve të rinj. Stërvitja e iniciuar nga Ministri i Mbrojtjes, Fatmir Mediu, zhvillohet në kuadër të bashkëpunimit me vendet pjesëmarrëse të NATO-s dhe përgatitjes së trupave për misione paqeruajtëse. I koduar nën emrin “Albania Express” 2006 trajnimi do të zgjasë deri në 14 Korrik. Ai është i ndarë në tre faza. E para do të vazhdojë deri më 8 Korrik në bazën e komandove në Zall Herr dhe në të merr pjesë një togë me 30 ushtarë nga regjimenti komando. Faza e dytë do të zhvillohet në Bizë të Martaneshit nga 8 deri në 13 Korrik. Ajo parashikon trajnimin e 30 ushtarëve të tjerë, një ekipi mjekësh nga Brigada e Reagimit të Shpejtë dhe një grupi për shoqërimin e trupave pjesëmarrëse nga batalioni i policisë ushtarake. Faza e tretë do të jetë ajo mbyllëse e trajnimit dhe do të shikohen zona të ndryshme të Shqipërisë./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/