Kontingjenti i 6-të i komandove shqiptare niset për në Irak - (9 Tetor 2005)

Lajme arkiva 2005 Një vit më parë është plagosur gjatë misionit paqeruajtës të komandove shqiptare në Irak, por kur iu është të rikthyet sërish aty nuk ka nguruar për asnjë çast. Florian Rushiti, i riu nga Korça do të niset së bashku me 119 shokë të tjerë komando në Mosul si pjesë e kontingjentit të 6-të të komandove që niset në Irak. Florian Rushiti: “Për çdo detyrë që të jepet si 1 herë edhe 10 herë është detyra jonë si ushtarak që të shkojmë atje ku ka, ku na urdhërojnë ne eprorët tanë.” Gazetarja: Nuk keni frikë, duke pasur parasysh që jeni plagosur herën e kaluar? Florian Rushiti: “Jo, jo absolutisht asnjë lloj frike.” Për të përshëndetur nisjen e 120 komandove shqiptare që do të zënë vendin e kontingjentit të 5 që kthehet së shpejti në atdhe, në repartin e trupave komando në Zall-Herr është organizuar një ceremoni përcjellëse, ku merrte pjesë ministri i Mbrojtjes Fatmir Mediu, ambasadorja amerikane në Shqipëri Marcie Ries dhe familjarë dhe të afërm të ushtarëve komando. Fatmir Mediu: “Detyra që ju do të kryeni është e vështirë, por si unë dhe komandantët tuaj, ashtu edhe prindërit dhe familjet tuaja jam i të bindur se këtë detyrë do ta përmbushim me sukses. Më lejoni njëkohësisht t’iu përcjellë përshëndetjet dhe urimet më të sinqerta për ju dhe familjen tuaja nga kryeministri zoti Sali Berisha si dhe të shpreh në emër të qeverisë mbështetjen e plotë për ju misionarë dhe familjet tuaja, se qeveria shqiptare do të jetë gjatë gjithë kohës pranë jush dhe pranë familjeve tuaja.” Marcie Ries: “Lufta kundër terrorizmit kupton që Shqipëria, Shtetet e Bashkuara të Amerikës, por edhe të gjitha vendet e koalicionit duhet të demonstrojnë demokraci, liri dhe dëshirë për t’iu ofruar të gjithëve një jetë më të mirë. Në emër të qeverisë së Shteteve të Bashkuara unë falënderoj qeverinë shqiptare që vazhdon të bashkëpunoj për të luftuar terrorizmin, këtë armik të madh të gjithë njerëzimit.” Ministri Mediu ka zhvilluar dhe një bisedë telefonike me komandantin e trupave të kontingjentit të 5 në Mosul me Major Domin. Fatmirë Xhafaj: “Jam i emocionuar dhe kam kënaqësi të veçantë të flas me ju, por besoj që këtë emocion së bashke me kryeministrin do ta kemi akoma më të madh kur të vijmë dhe t’iu takojmë që të gjithëve në Irak.” Shumica e komandove të kontinentit të 6-të, ka një eksperiencë të mëparshme si pjesë e misioneve paqeruajtëse në Irak, por ka dhe nga ata që bëhen për herë të parë pjesë e një kontingjenti të tillë me një mision kaq të rëndësishëm. Gazetarja: Është hera e parë që merrni pjesë në një mision të tillë kaq të rëndësishëm? Ushtar 1: “Hera e dytë.” Gazetarja: Ku keni qenë herën e parë? Ushtar 1: “Në Irak në kontingjentin e 3-të. “ Gazetarja: Dhe po e përsërisni sërish eksperiencën? Ushtar 1: “Po.” Gazetarja: Pse, pse keni zgjedhur të shkoni sërish? Ushtar 1: “Po, punoj në ushtri është detyrë që duhet të bërë.” Ushtar 2: “Është hera e parë që marrë pjesë në këtë mision , dhe do kisha qejf të merrja dhe një herë tjetër pjesë me kësmet.” Kontingjenti i parë i komandove shqiptare u nisë me mision në Irak, dy vjet më parë në bazë të një marrëveshjeje që qeveria Nano nënshkroi me qeverinë e Shteteve të Bashkuara të Amerikës për t’u bërë pjesë e koalicionit kundër terrorizmit./tvklan.al Gazetare: Elja Zotka SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/