Ceremonia e dorëzimit të armëve në komunën e Zall-Herrit - (22 Korrik 2002)

Lajme Arkiva - TV Klan 2002 Ky është rituali i përditshëm i dorëzimit të armëve në komunën e Zall-Herrit në Tiranë. Në një ceremoni zyrtare, me pjesëmarrjen e përfaqësuesve të pushtetarëve lokal dhe drejtorit të përgjithshëm të policisë Bilbil Mema është bërë dorëzimi i armëve të mbledhura deri tani në këtë komunë. Sipas projektit të PNUD-it i nisur në Mars të këtij viti, i cili përfshin pesë prefekturat Kukës, Shkodër, Tiranë, Lezhë dhe Vlorë, në bazë të dorëzimit të armëve, çdo njëra prej tyre, do të përfitojë 300 mijë dollarë. Deri tani që nga viti 1997, në rang vendi janë mbledhur 195 mijë armë. Mendohet se deri në 4 Gusht, i cili është afati i fundit i dorëzimit të armëve, do të arrihet të mblidhen 200 mijë të tilla. Ndërsa po kaq armë mendohet se janë ende në duart e popullsisë. Menaxheri i këtij projekti sqaron. “Është normale që njerëzit që kanë ende armë në duart e tyre t’i dorëzojnë ato. Nuk e kuptojnë pse ngurojnë t’i dorëzojnë të gjitha armët, kur ne ofrojmë zhvillimin për ta dhe fëmijët e tyre”. Banorët e komunës Zall-Herr, duket se e kanë kuptuar se çarmatimi për ta, do të thotë zhvillim./tvklan.al Gazetare – Mirela Milori SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/