MBUNGE AKIRI KUPOKEA SIMU ZA VITISHO, AMWOMBA RAIS SAMIA MSAADA,NI KUHUSIANA NA KIFO CHA BEATRICE

MBUNGE Mstaafu wa Bunge la Afrika Mashariki (EAC) ,Pamela Masaay,amesema yeye ni mmojawapo wa wananchi waliotishwa na viongozi wakubwa wanaomwakilisha Rais wilayani Rombo wakidai kuwa anafanya siasa kwenye suala la kifo cha rafiki yake Beatrice Minja (47) aliyekufa kwa kuchomwa visu 25. Hayo ameyasema Jana Desemba 03,2024 wakati akitoa salamu za rambirambi kwa waombolezaji na wafiwa katika ibada ya mazishi ya Beatrice iliyofanyika katika kijijiji cha Mbomai juu,kata ya Tarakea wilaya ya Rombo Mkoa wa Kilimanjaro. "Kuna viongozi wanawapigia simu wananchi kuwatisha,binafsi mimi baada ya kuchukua hatua kuhusiana na hili jambo nimepigiwa simu na viongozi wakubwa wanaomuwakilisha Rais kwenye maeneo haya wakiniambia ninafanya siasa kuhusiana na suala hili ...,siwezi kunyamaza kwasababu fulani ananihoji," alisema Eng. Maassay. Aidha Maassay amemwomba Mkuu wa Utafiti wa jeshi la polisi,ACP Ralph Meela kwamba afikishe salamu kwa Rais wa Jamhuri ya Muungano wa Tanzania kwamba wilaya ya Rombo inahitaji uangalizi maalumu (special intervation) ili kuondoa matendo ya ukatili yanayoendelea wilayani hapo. Mwili wa Beatrice Minja (47) alouwawa kwa kukatwa visu 25, umepumzishwa katika makazi yake ya milele jana Desemba 03,2024 kwenye eneo yalipo Makaburi ya familia yaliyopo kijiji cha Mbomai Juu,kata ya Tarakea wilaya ya Rombo mkoani Kilimanjaro. Beatrice alifariki dunia Desemba 27, 2023 katika Hospitali ya KCMC alipokuwa akipatiwa matibabu baada ya kushambuliwa Novemba 12, 2023 katika kijiji cha Mbomai Juu alipokuwa akitoka katika majukumu yake ambapo mtuhumiwa anayedaiwa kutekeleza kitendo hicho Lucas Tarimo ilielezwa alifariki dunia. Mwili wa Beatrice uliingizwa kaburini majira ya saa 9:35 alasiri , kisha taratibu za viongozi wa Serikali , familia , ndugu jamaa na marafiki kuweka mchanga kaburini humo , zilianza . Taratibu za mazishi ya mwili wa Beatrice zilifika tamati majira ya saa 10 jioni .