KILICHOMUUA Tarimo ANAYEDAIWA kumchoma Beatrice visu mara 25 KABLA ya KUKAMATWA alifanya..WASIMULIA

Mtuhumiwa anayedaiwa kusababisha kifo cha Beatrice Minja kwa kumchoma visu mara 25, Lucas Tarimo amefariki dunia akiwa chini ya ulinzi wa Jeshi la Polisi wakati akiendelea na matibabu katika Hospitali ya Huruma iliyopo Wilaya ya Rombo, mkoani Kilimanjaro. Daktari kiongozi wa Hospitali ya Huruma wilayani Rombo, Daria Mushi amethibitisha kutokea kwa kifo hicho ambapo amesema amefariki jana Jumatatu, Januari Mosi, 2024 saa nne na nusu usiku. Desemba 31, 2023 Msemaji wa Jeshi la Polisi Nchini, David Misime alieleza kuwa, Tarimo alikamatwa siku hiyo alfajiri akiwa amejificha Kijiji cha Jema, Kata ya Oldonyosambu, Wilaya ya Ngorongoro, mkoani Arusha akijiandaa kukimbilia nchi jirani.