Bybelstudie S1 E1: Let op: Die Here is getrou

Bybelstudie Psalm 107: God se goedheid in swaarkry tye Sessie 1: Let op: Die Here is getrou Revive Our Hearts South Africa se eerste Bybelstudiereeks in Afrikaans handel oor Psalm 107 - God se goedheid in tye van swaarkry. Retha de Villiers is die aanbieder en direkteur van Revive Our Hearts South Africa en bied reeds 30 jaar Vrouebybelstudies aan. Hierdie eerste sessie in die reeks van agt, gee ‘n oorsig oor die eerste helfte van die Psalm. Die Here se getrouheid word in die eerste 32 verse beskryf aan die hand van vier moeilike situasies waarin Christene hulle dikwels bevind. Daar word vertel hoe die Here antwoord op die hulpgeroep van die wat in die woestyn is, die wat in kettings vasgevang is, die wat ellendig voel as gevolg van hulle eie sondes en die wat storms in die lewe beleef.