東張西望｜港漂租房騙案業主租客齊中伏 慘被呃逾16萬

東張西望｜港漂租房騙案業主租客齊中伏 慘被呃逾16萬 警方於今年2月14號破獲一宗針對港漂學生嘅租房詐騙案，涉及款項超過1300萬，受騙人數超過150人。而其中嘅受害者，除咗直接被騙嘅港漂學生之外，仲有被詐騙集團利用嘅出租單位業主。 事主黃先生通過地產中介，於去年將單位以月租13000元租俾一名姚姓男子，該男子自稱自住，提供有工作證明，而且每月都有交租，本來佢係好放心嘅，點知該人逐漸唔交租，經中介提醒先知唔對路，上去單位一睇，開門嘅唔係姚先生，而係兩名女學生。 原來姚先生租咗佢呢個單位之後，又轉租俾兩名女學生，一次收十四個月租金共16萬8千後就失聯，拖欠租金並逃之夭夭！ 事主與女學生同時受害，事主希望收回單位，女學生則以已繳納租金為由拒絕搬走，雙方一度爭執不下，萬幸幾經商討之後，女學生跟事主重新簽咗一份新租約，事情暫告一段落。 港漂租房如何避免受騙？地產界專業人士教路，其實所有地產代理都有喺地產代理監管局留檔，可以喺相關網頁確認查詢其是否有牌照以至違規紀錄，減低上當受騙嘅可能性。 #東張西望 #TVB #租房 #港漂 #業主 #社會 #民生 #時事 東張西望為你直擊香港民生時事：https://bit.ly/35Ba1zK 想免費睇番呢集嘅精彩內容？登入myTV SUPER免費點播最近7日TVB自製節目：https://su.tvb.com/q/eAHttNqm