東張西望｜港人投資東莞「格仔鋪」 被呃成副身家 涉及金額多達6000萬

東張西望｜港人投資東莞「格仔鋪」 被呃成副身家 涉及金額多達6000萬 退休後有物業收租好多人都想，香港樓價貴，咁買大灣區樓似乎係一時之選，但最近就有一班港人業主買鋪頭諗住收租，點知慘變苦主！ 話說內地同香港一樣有格仔鋪存在，不過佢哋嗰邊叫「劏場鋪」，喺2015年到2019年之間十分流行。有一班苦主就喺2018年分別以幾十萬至過百萬嘅資金購買位於東莞南城西岸第壹廣場嘅格仔鋪。原本諗住做業主，點知做咗苦主。 據苦主們回憶，當初中介聲稱投資少、回報多，回報率高達八厘；北上視察過後發現當地生意林立冇吉鋪，更是對前景信心十足，但佢哋買嘅店鋪都係格仔鋪，買邊一間鋪全靠一張「格仔紙」。 買鋪之後頭幾年大家都冇發現有異樣，之後因為疫情而無法視察。直到疫情解封之後，佢哋先發現原本嘅商場早已人去樓空，面目全非！而當佢哋向東莞房管所查詢時，先知道開發商從來都冇提出過申請將商鋪分拆成格仔鋪，佢哋購買嘅所謂店鋪根本就冇產權。 又有資料顯示，原來開發商之前已經多次將物業抵押給銀行，處於抵押狀態。但開發商依然照樣賣鋪，涉及金額多達六千幾萬。執法部門亦早已以非法吸收公眾存款罪拘捕發展商多名負責人，並將其判囚三年，如今已經出獄。 但有苦主質疑刑罰過輕，而且向銀行追討嘅過程亦困難重重。 #東張西望 #TVB #東莞 #格仔鋪 #投資 #民生 #時事 東張西望為你直擊香港民生時事：https://bit.ly/35Ba1zK 想免費睇番呢集嘅精彩內容？登入myTV SUPER免費點播最近7日TVB自製節目：https://su.tvb.com/q/eAHttNqm 0:00 前言 0:48 東莞格仔鋪 1:33 高回報率？ 5:23 買完中伏 6:43 唔係業主？ 8:02 劣迹斑斑 9:26 追討可能性