東張西望｜港男衰咸濕搵援交被騙47萬 失身家仲連累父母資料被公開

東張西望｜港男衰咸濕搵援交被騙47萬 失身家仲連累父母資料被公開 《東張》早前報導過一個援交騙局，現今又出現受害者。話說事主陳先生喺社交平台搵到一位自稱兼職女友，聲稱800蚊可以過埋夜。點知去到約定地點，人影唔見，反而有個自稱豹哥嘅經理人聯絡佢，要佢買一萬蚊點數卡做按金先可以見面。 雖然事主覺得有詐，當場Block咗豹哥，但之後卻陸續收到恐嚇滋擾短訊，對方聲稱佢間偵信社掌握咗事主個人及父母等資料，威脅起底。事主擔憂之下交付押金，更陸續支付風險金、備用金及偵信社費共47萬7千元，為此甚至向財務公司借錢。 事主以為俾咗錢同援交女見面交易就能取回款項，結果去到後面先醒覺受騙於是報警，但呢個時候佢唔單只損失慘重，身負債務，為咗借錢更將自己同家人以至同事嘅資料送到騙徒手上，並於社交平台被公開。而警方將案件列為「以欺騙手段取得財產」處理，暫未有人被捕。 一時色慾貪念失身家，仲連累埋屋企人，事主後悔莫及。 #東張西望 #TVB #騙案 #仙人跳 #起底 #社會 #民生 #時事 東張西望為你直擊香港民生時事：https://bit.ly/35Ba1zK 想免費睇番呢集嘅精彩內容？登入myTV SUPER免費點播最近7日TVB自製節目：https://su.tvb.com/q/eAHttNqm