MABALOZI WA USALAMA BARABARANI KUSINI UNGUJA WAKABIDHIWA VIFAA VYA ELIMU

Mkuu wa Mkoa wa Kusini Unguja, Mhe. Hamida Mussa Khamis, amekabidhi vizibao na mabango ya usalama barabarani yaliyodhaminiwa na Majlis Ar Maarif Islamiya kwa Mabalozi wa Usalama Barabarani wa mkoa huo, kwa lengo la kuimarisha utoaji wa elimu kwa watumiaji wa barabara. Akizungumza wakati wa makabidhiano hayo, Mhe. Hamida amesema vifaa hivyo vitasaidia kuongeza ufanisi wa mabalozi hao katika kuelimisha jamii kuhusu umuhimu wa kuzingatia sheria na kanuni za usalama barabarani, hatua itakayochangia kupunguza ajali za barabarani. Kwa upande wao, Mabalozi wa Usalama Barabarani wameishukuru Serikali pamoja na Majlis Ar Maarif Islamiya kwa kuwapatia vifaa hivyo, wakisema vitarahisisha utekelezaji wa majukumu yao. Hata hivyo, wameeleza kuwa bado wanakabiliwa na changamoto ya baadhi ya watumiaji wa barabara, hususan waendesha bodaboda, kutokuzingatia sheria na maelekezo ya usalama barabarani. Wametoa wito kwa watumiaji wote wa barabara kushirikiana na mabalozi hao kwa kuzingatia sheria za usalama ili kulinda maisha yao na ya watumiaji wengine wa barabara. #Zanzibar #UsalamaBarabarani #KusiniUnguja #Bodaboda #Elimu #AsamOnlineTV #TrendingNow