'n Broer in die tronk en ‘n Broer op die troon. - Dr. Griffel van Wyk - Sondag 31 Mei 2026

Skrifgedeelte: Hebreërs 2:5-18 en HK Sondag 6 Spring na Skrifgedeelte en preek - 17:42 Oorsig: Ons gaan leer dat ons nie vir Jesus soos ‘n broer in die tronk is nie. Hy is nie skaam om met ons geassosieer te wees nie, al is Hy ons Broer op die troon vol majesteit en glorie. En dit behoort ‘n ingrypende verskil te maak in hoe jy oor jouself dink en jou lewe benader. Ons gedeelte beskryf hoe Jesus eintlik twee nature het: menslik en goddelik. Sy werk as Middelaar aan die kruis behoort daarom ons vrees vir die dood weg te vat en ons groot vrymoedigheid te gee om Hom te nader vir hulp in ons swakste oomblikke.