GÖNDƏRİLƏNLƏR SURƏSİ: AYIRAN GÜN

GÖNDƏRİLƏNLƏR SURƏSİ 77 Rəhman Rəhim Tanrı adıyla 1And olsun dalğa-dalğa göndərilənlərə, 2and olsun əsdikcə əsənlərə, sovurduqca sovuranlara, 3and olsun yaydıqca yayanlara, 4and olsun ayırdıqca ayırd eyləyənlərə, 5and olsun Anımı çatdıranlara - 6bəraət ya xəbərləmə olaraq - 7sizə vəd verilən hökmən olacaq. 8Elə ki silinib yox oldu ulduzlar, 9elə ki yarıldı göy, 10elə ki dağıldı dağlar 11və elə ki zamanlandı elçilər... 12Hansı günə bəlirlənmiş vaxtları? 13Ayıran günə! 14Nə biləsən nə ola ayıran gün? 15 Yazıqlar olsun o gün yalanlayan kəslərə! 16Məhv eyləmədikmi öncəkiləri? 17Göndəririk dallarınca sonrakıları. 18Bax beləcə eylərik suç törədən kəslərə. 19Yazıqlar olsun o gün yalanlayan kəslərə! 20Sizi zəif bir mayedən yaratmadıqmı? 21Bunu möhkəm bir yerə saldıq qərar tuta 22bəlli bir qədərə qədər. 23Və qadir olduq. Qadir olanlar nə gözəl! 24Yazıqlar olsun o gün yalanlayan kəslǝrǝ! 25 Yapmadıqmı yeri cəm olmaq yeri 26dirilərə, ölülərə? 27Orda uca-uca dağlar yaratdıq. Sizə şirin-şirin sular içirdik. 28 Yazıqlar olsun o gün yalanla-yan kəslərə! 29"Di tərpənin o nəsnəyə tərəf ki, onu yalanlayırdınız. 30Tərpənin üz tu-taraq üç şaxəli bir kölgənin səmtinə. 31Nə sərinlik gətirəndir, nə alovdan qoruyan. 320, şəksiz, saray-saray qığılcım saçır. 33Sarı-sarı dəvələrin karvanıdır elə bil. 34 Yazıqlar olsun o gün yalanlayan kəslərə! 35Bu, elə bir gündür ki, danışmırlar. 36İzn də verilmir onlara üzrxahlıq edələr. 37Yazıqlar olsun o gün yalanlayan kəslərə! 38Bu, ayıran gündür ki, cəm etmişik bir yerə sizinlə öncəkiləri. 39Vardısa bir fəndiniz, fənd-ləyin Mənə qarşı. 40 Yazıqlar olsun o gün yalanlayan kəslərə! 41Şübhəsiz, çəkinənlər kölgələrdə, bulaqlarda, 42ürəkləri istəyən meyvələrin içində. 43Nuşcanlıqla yeyin, için gördüyünüz işlərin əvəzində. 44Beləcə əvəz veririk, şübhəsiz, gözəl davranan-lara. 45Yazıqlar olsun o gün yalanlayan kəslərə! 46 Yeyin, barının azacıq. Siz ger-çəkdən suç törədən kimsələrsiniz. 47 Yazıqlar olsun o gün yalanlayan kəslərə! 48Və onlara deyiləndə "əyilin", əyilməzlər. 49Yazıqlar olsun o gün yalanlayan kəslərə! 50Bundan sonra bəs hansı söz-söhbətə inanır onlar? Nəriman Qasımoğlunun Quran məalı