VAHİD RZAYEV. BİLİRİK

Vahid Rzayev BİLİRİK Bilirik, bu əzablı yoldur, - bilirik Biz Gördüyümüzü, biz Eşitdiyimizi bəşər Görmür, - bilirik, Bəşər Görmədiyindən bizi görmür, - bilirik. Özünü Görməyən bizi görmür, - bilirik. İnsan Görə bilmir, - biz dediyimizi bilmir, - bilirik. Eşidir, İnanmır, - bilirik, görür, Görmür, - bilirik, eşidir, Eşitmir, - bilirik. Nə edək, biz bildiyimizi o bilmir, - bilirik. Yaradan Deyir, İlahilikdən Deyir, - biz bilirik Biz Gördüyümüzü bilirik, Bəşər görmür, - bilirik, Göstəririk, Görmür, - bilirik. Zahirdə öldürürlər, - bilirik, Əbədiyyətimizi bilirik. O bəşər “ölür”, - bilirik, Onların odda olacaq əzablarını biz görmüşük, - bilirik. Biz gördüyümüzü deyirik, - bilirik. Biz bildiyimizi onlar bilmir, - bilirik. Özlərini məhv edəcəklər, - bilirik. Əzabların əzabını görən bizik, - bilirik. Əzab zahirdədir, Rəhmi Ondan görmüşük, - bilirik. Ruzisizik, - bilirik, kimsəsizik, - bilirik, köməksizik, - bilirik. Xilasımızı Ondan görmüşük, - bilirik. Əbədiyyət Oradadır, - bilirik, Oradan gələn Oraya qayadandır, - bilirik. Ehtiyaclıyıq, Maddiliklərdən uzaqlaşırıq, - bilirik. Əbədiyyətdə Maddilik yoxdur, - bilirik. İşıq var ki, - qaranlıq yoxdur, - bilirik, Ona Qayıtmaq lazım olduğunu bilirik. Nə edək, nə Göstərdisə, onu dedik, - bilirik. Gəlişimizi Qayıdışımıza bilirik. Bəşərin otuz iki dişini, otuz iki dilini bilirik. İki gözünü, qədərsiz baxışını bilirik, On barmağını, boş əllərini bilirik. İki ayağının uzanacağını bilirik, Sinəsində tək bir İşığını bilirik. Yaradanın Tək olduğunu bilirik, Yaranışa Yaranış Qədərini bilirik, Ruzilərdən Ruzi Qədərini bilirik. Nə edək, Nə Göstərdisə, Onu bilirik, Onu Yaradan, özümüzü Yaradandan olduğumuzu bilirik. Nə edək, biz qədərimizi bilirik, Nə Dedi, nə Göstərdisə, - onu bilirik. Nə edək, günahkarıqmı biz ancaq Onu, bu deyilənləri bilirik? Onu Tək gördük, Onu Tək bilirik, Özümüzü cəmlər arasında cəmlərlə görürük, bilirik. Sözləri cəmlərə Deyib, Onun Tək olduğunu bilirik. Kainatların Qədərlərinə tək Onu Sahib bilirik. Hər yaranmış yaranışın Yaradanı - Onu bilirik, O, necədir, Onu elə bilirik. Onu Tək görmüşük, Tək bilirik. O bölünməz, Bölünmür bilirik, Bəşər bölə bilməz, Bölünmür bilirik, Ona şərik yoxdur bilirik. Bəşər özünü görməsə, dərk etməsə, Onu Görməyəcək bilirik İlkini eşidə bilməyən Onu Eşitməyəcək bilirik. Məqsədlə O, axtarılmaz bilirik, Təmənnalı olmaqla O, Görünməz bilirik. Hər yaranış Onun Nəzərindədir bilirik, Hər yaranış Onun Ətrafındadır bilirik. Cənnət Onun Yaxınındadır bilirik, Cəhənnəm bəşərlədir bilirik, Cənnətlə Cəhənnəm arasında olanlar da var bilirik, Amma, Əbədiyyəti Onun yanında bilirik. Nə edək, günahkarıq ki, biz ancaq Onu bilirik? İlahiyyatı ancaq Onunla bilirik? İlahidir ki, İlahiyyatla Danışır bilirik. Nə edək, günahkarıq ki, biz ancaq Onu bilirik? Günahkarıqmı ki, Deyimləri Onunla deyirik? Qaçmaq istəyirik; Ondan yox, Yerə çökmüş qaranlıqlardan qaçmaq istəyirik bilirik. Bəşər “xilas” deyib, Xilaskar gözləyər, - bilirik, Xilas gələr, Xilaskar gələr, - bilirik. Xilaskar İşıqdan gələr, İşığa gələr bilirik, O əraziyə İşığa İşıq gələr bilirik. İşıqlı göndərilər, İşıq gələr bilirik, O İşığı İşıqlı edər, - bilirik, Bəşər xilas olmaq istəməsə, xilas gəlməz bilirik, Gələn İşıq gətirər, o, Müqəddəslikdir bilirik, Bəşəri bəşərdən xilas etməkdir bilirik, Bəşərin özü xilas istəməsə, xilas gəlməz bilirik, Bəşər xilas dilər, Yaradandan dilər, - bilirik, Xilas Göndərilər, - Əql, Zəka Göndərilər bilirik, Bəşər İlahiyyat görməz öz əqli ilə, əql istəyini bilirik, Qaranlığından baxıb, İşığı görməz bilirik, Özünü dərk etməyib, hər inkarını bilirik, Bir-biri ilə dil tapmayanda, bilirik, Göndərilən Göndərilər bilirik, Bu bəşərin inkarını bilirik, Deyimlər, Göndərilənlər birdir, biz bilirik, Fərq axtaran bəşərdir, - bilirik, Yaradanı fərqlərdə axtardığını bilirik, Amma Yaradanın Tək Olduğunu biz bilirik Yaradana fərq qoyub karıx qalan bəşərdir bilirik, Göndərilənlər çoxdur, o Yaradan Təkdir bilirik, Bildiklərimizi biz deyirik, - bilirik, İlahiyyatdan İlahiyyatı biz bilirik, Yaradandan olduğunu bilirik.