နိုင်ငံတော်သမ္မတ ဦးမင်းအောင်လှိုင်နှင့်ဇနီး လာအိုနိုင်ငံရှိ ထက်လွမ်းဘုရားသို့ သွားရောက်ဖူးမြော်

လာအိုပြည်သူ့ဒီမိုကရက်တစ်သမ္မတနိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် (State Visit) ရောက်ရှိနေသည့် ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်နှင့် ဇနီး ဒေါ်ကြူကြူလှ ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့သည် လာအိုနိုင်ငံရှိ ထက်လွမ်ဘုရားသို့ သွားရောက်ဖူးမြော်ကြည်ညိုခဲ့သည်။ ထက်လွမ်ဘုရားသို့ ရောက်ရှိချိန်တွင် နိုင်ငံတော်သမ္မတ ဦးမင်းအောင်လှိုင်နှင့် ဇနီး ဒေါ်ကြူကြူလှတို့အား ကော်ဇောနီခင်း၍ လာအိုတိုင်းရင်းသားအဖွဲ့များက ရိုးရာအစဉ်အလာနှင့်အညီ လှိုက်လှဲစွာ ကြိုဆိုခဲ့ကြသည်။ ထို့နောက် နိုင်ငံတော်သမ္မတနှင့် ဇနီးတို့သည် ထက်လွမ်ဘုရားအား ဆွမ်း၊ ပန်း၊ ရေချမ်း၊ သစ်သီးများနှင့် ဆီမီးများ ဆပ်ကပ်ပူဇော်ခဲ့ကြပြီး ဧည့်သည်တော်မှတ်တမ်းတွင်လည်း လက်မှတ်ရေးထိုးခဲ့သည်။ အဆိုပါ အစီအစဉ်သည် မြန်မာနှင့် လာအို နှစ်နိုင်ငံအကြား ဗုဒ္ဓဘာသာယဉ်ကျေးမှုနှင့် ချစ်ကြည်ရင်းနှီးမှုကို ပိုမိုခိုင်မာစေသည့် နိုင်ငံတော်အဆင့် ချစ်ကြည်ရေးခရီးစဉ်၏ အရေးပါသော အစီအစဉ်တစ်ရပ်ဖြစ်သည်။ #StateVisit #Myanmar #Laos #ThatLuang #Buddhism #MyanmarLaos #OfficialVisit #CulturalRelations #MyanmarNews #ASEAN #Friendship#နိုင်ငံတော်သမ္မတဦးမင်းအောင်လှိုင် #ourleader