DKT. MWINYI AKUTANA NA MHAMASISHAJI WA DHANA YA UTALII HALALI DUNIANI

Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, amekutana na Mwanazuoni na Mhamasishaji wa Dhana ya Utalii Halali Duniani, Bw. Ismail Bullock kutoka Dubai, katika mazungumzo yaliyofanyika Ikulu Zanzibar. Bw. Bullock alifika Ikulu kwa ajili ya kujitambulisha kwa Rais pamoja na ujumbe alioambatana nao kutoka Taasisi ya Samia Foundation. Katika mazungumzo hayo, Dkt. Mwinyi amesifu juhudi zinazofanywa na mwanazuoni huyo katika kuutangaza na kuhamasisha utalii halali katika mataifa mbalimbali duniani, akieleza kuwa Serikali ya Mapinduzi ya Zanzibar inaunga mkono jitihada hizo za kukuza na kuendeleza utalii unaozingatia misingi ya Kiislamu. Aidha, Rais Dkt. Mwinyi amesema Zanzibar inaendelea kuimarisha sekta ya utalii kwa kuzingatia mahitaji ya makundi mbalimbali ya watalii, ikiwemo wale wanaopendelea huduma zinazokwenda sambamba na maadili na misingi ya dini ya Kiislamu. Kwa upande wake, Bw. Ismail Bullock amesema dhamira yake ni kuona dhana ya utalii halali inaeleweka na kutekelezwa katika mataifa mbalimbali duniani, akibainisha kuwa dhana hiyo imeendelea kupata umaarufu mkubwa katika nchi nyingi. Amesema akiwa Zanzibar ameendelea kutoa mafunzo kwa wadau wa sekta ya utalii kuhusu umuhimu wa utalii halali na namna unavyoweza kuchangia ukuaji wa sekta hiyo pamoja na kuongeza fursa za kiuchumi. #Zanzibar #UtaliiHalali #HalalTourism #DktMwinyi #IsmailBullock #Tourism #SamiaFoundation #Utalii #ASAMOnlineTV #BreakingNews