Оралдағы 170/3 қатаң режимдегі колонияда жазасын өтеушілер қысымға ұшырап жатқандарын жеткізді

Орал қаласындағы қатаң режимдегі 170/3 колониясында тінту жұмыстары үлкен дүрбелеңге ұласты. Жазасын өтеушілер түрме қызметкерлерінің өздерін аяусыз соққыға жыққандарын айтады. Әлеуметтік желіде тараған видеода сотталушылар күзетшілер тепкінің астына алған соң денелерінің қатты көгеріп, сүйектерінің сынғанын көрсеткен. Тіпті сол жағдайдан кейін үш жазасын өтеуші әлі күнге ауруханада ем қабылдап жатыр екен. Ал жауаптылардың айтуынша, сотталғандар бұйрыққа бағынбай, керісінше түрме қызметкерлеріне қарсы шықты дейді. Бұл үшінші тамыз күні колония қызметкерлері мен сарбаздардың сотталушыларды соққыға жығып кеткеннен кейін түсірілген жазба. Мұнда темір торда отырған жазасын өтеушілер жанайқайларын жеткізеді. Айтуларынша, тінту жұмыстарын жүргізген қызметкерлер сотталушыларды еш себепсіз ұрып-соға бастаған. Жазасын өтеушілер денелерінің сау тамтығын қалдырмай тепкілеп, тіпті сойылмен де сабағандарын айтады. Әлеуметтік желіге тараған осы бейнежазбаларды көре сала жәбір көргендердің жақындары бірден қатаң режимдегі колонияға келген. Сол уақытта жедел жәрдем көліктері бірінен соң бірі түрмеге кіріп-шығып жатты дейді. Соның өзінде қызметкерлер сотталушылардың туыстарына жарытып жауап бермепті. Тіпті жазасын өтеп жатқан жақынымыздың тірі не өлі екенін біле алмай абдырап қалдық дейді жиналғандар. БҰЛБҰЛ НҰРБАЙҚЫЗЫ, жазасын өтеушінің анасы: – Басы деген төртбұрышты. Көзі ашылмай қалған. Мына жерінің бәрін теуіп тастаған. Қолы ісік. И это не первый раз. Күзетшілерден таяқ жеген 47 сотталушы дәрігерлердің тексерісінен өткен. Олардың ішінде 11 азамат ауруханаға жеткізіліпті. Қазір үш жазасын өтеушіге әлі де ем жүргізіліп жатыр. Ал жауаптылар тінту шарасы кезінде жазасын өтеушілер қарсылық көрсетті. Сондықтан оларға күш көрсетуге мәжбүр болдық деп отыр. ҚАНАТ АЛПЫСБАЕВ, ҚР ІІМ Қылмыстық атқару жүйесі комитеті №28 мекемесі басшысының міндетін атқарушы: – Біздер оған қосымша күш қолданып, бағынбаған сотталғандарға арнайы құралдар қолдандық. Олардан арыз-шағымдарын алып, заңды іс-әрекеттер жасалды. Қылмыстық іс қозғалды, одан бөлек қызметтік тексеріс жүргізіліп жатыр. Түрме басшыларының айтуынша, сотталғандардың өздері ішкі ережеге бағынбаған. Ал жазасын өтеушілер мен олардың жақындары мұндай сұмдық жағдай бұған дейін де бірнеше рет болған дейді. Тіпті кейде қызметкерлер сотталушыларды бейнебақылау камерасы қойылмаған бөлмеге апарып тоқпақтың астына алатынын айтады. Сондықтан түрмедегі азаматтар прокурорлар тарапынан қатаң тексеріс жүргізуді сұрап отыр. Бізді әлеуметтік желіде оқыңыздар: Информбюро 31    / @informburo31kanal   Informburo kz    / @informburokz2022   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 Біздің сайт: www.31.kz және www.informburo.kz Біздің WhatsApp +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал