ATENEO PRESIDENT, NAGSALITA NA!

Sinabi ni Ateneo de Manila University President Fr. Roberto Yap na personal siyang nakipagkita sa mga pamilya nina Rene Baterbonia at Divine Adili upang humingi ng paumanhin at makiramay sa sinapit ng kanilang mga anak. Iginiit niya na mula pa noong unang araw ng trahedya ay kasama na ng unibersidad ang mga pamilya at magpapatuloy ang pagbibigay ng suporta sa kanila. Ginawa ni Fr. Yap ang pahayag matapos siyang humarap sa NBI-Homicide Division upang magsumite ng testimonya at mga dokumentong kailangan sa nagpapatuloy na imbestigasyon sa insidente ng pagkalunod ng dalawang Ateneo student-athletes.