BREAKING: DILG, NAGREKOMENDA NG ANTI-H*ZING CASE VS TAB BALDWIN AT 10 IBA PA

Inirekomenda ng Department of the Interior and Local Government (DILG), sa pamamagitan ng fact-finding investigation nito kasama ang PNP-CIDG, ang pagsasampa ng kasong paglabag sa Anti-Hazing Act of 2018 laban kay former Ateneo men's basketball head coach Tab Baldwin at 10 iba pa kaugnay ng trahedyang sinapit ng student-athletes na sina Rene Baterbonia at Divine Adili sa Aurora. Ayon kay DILG Sec.Jonvic Remulla, ang isinagawang team-building at training activity ay "nag-crossover" na umano sa hazing. Isinumite na ng DILG sa Department of Justice (DOJ) ang rekomendasyon para sa kaukulang aksyon.