Shkolla 8-vjeçare e Lushnjes prej 3 javësh pa mësim (4 Dhjetor 2003)

Lajme Arkiva 2003 Dy policë që qëndrojnë 24 orë para derës së shkollës 8-vjeçare të fshatiti Sulzotaj në rrethin e Lushnjës kanë lënë pa mësim më shumë se 200 nxënës të këtij fshati që prej 3 javësh. Arsyeja absurde. Një nga klasat e kësaj shkolle ka shërbyer si qendër votimi në 12 Tetor si dhe në 16 Nëntor kur janë përsëritur zgjedhjet, por herën e dytë për shkak të konflikteve mes komisionerëve, kutia e votimit ende nuk është dorëzuar në Komisionin Qëndor të Zgjedhjeve dhe institucionet që merren me votën e lirë, në vend që nëpërmjet një komisioni ta merrnin këtë kuti e ta dorëzonin në Komisionin Qëndor të Zgjedhjeve, e kanë parë të udhës të shpërdorojnë 8 punonjës policie në ditë për ta ruajtur të gjithë shkollën si dhe për të lënë pa shkollë nxënësit. Nxënësja 1: “Nuk na intereson se kush është fituesi i zgjedhjve, duam vetëm që të rifillojmë mësimin. Babait i mohoet vota, e drejta e votës, ndërsa neve e drejta e mësimit”. Nxënësja 2: “Ne duam shkollën se mirë se nuk është shkollë e mirë, është e vjetër, të paktën të rrijë e hapur. Se dhe klasat e para, fëmijët e klasave të para, tani sa kanë filluar shkollën, i kanë harruar shkronjat”. Drejtori i shkollës thotë se është përpjekur disa herë që ta hapë shkollën, por nuk ia ka dalë dot. Madje, ai nuk është në gjendje të përcaktojë as kohën se kur do të ikin policët dhe dyert e shkollës do të hapen për nxënësit. “Unë, si drejtor shkolle e kam bërë problem që ditën e parë bllokimin e shkollës në Drejtorinë Arsimore Lushnje dhe bashkë me drejtorin ne kemi bërë disa herë përpjeke për hapjen e shkollës, por ka qenë e pamundur, sepse nuk kemi ku të mbështetemi përderisa ky institucion ruhet edhe me polici, siç e shikoni edhe vetë, problemi më i madh është se për shëmbull klasat e para po edhe klasat e tjera e kanë tepër të vështirë të kapin programin mësimor për kaq shumë kohë që janë shkëputur nga mësimi”./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/