Kryeministri Fatos Nano inaugurime në Lushnje dhe Berat - (14 Qershor 2003)

Lajme Arkiva - TV Klan 2003 Kryeministri Fatos Nano gjatë vizitës së tij në qytetin e Lushnjes ka inauguruar tregun e ri bujqësor ndërtuar me një investim mbi 670 mijë dollarë nga Banka Botërore. Nano i shoqëruar në këtë vizitë nga Ministri i Bujqësisë dhe Ushqimit Agron Duka, zhvilloi takime me banorë të qytetit dhe theksoi ndër të tjera se me inaugurimin e këtij tregu, hedhim një hap shumë më të rëndësishëm në transformime bujqësisë shqiptare, sipas standardeve të përparuara europiane. Kryeministri Fatos Nano:- “Unë dua t’ju garantojë si kryeministër, se Shqipëria po përmbysë me shpejtësi raportet midis importeve të konsumit, me importet teknologjike dhe roli lider në këtë transformim, po e zë bujqësia dhe agrobiznesi”. Më pas kryeministri tha, se pas tregut të Lushnjes, brenda një periudhe të shkurtër kohe, do të investohen më shumë se 4 milion dollarë për ndërtimin e tregjeve të përqendruara bujqësore dhe në qytete të tjera, si në Korçë, Shkodër, Vlorë dhe në Tiranë. Më pas kryeministri ka udhëtuar drejt Beratit, ku ka vizituar ambientet e ndërmarrjes së prodhimit të veshjeve. Ndërsa në takim me përfaqësues të biznesit beratas, kryeministri ka shprehur se qeveria synon gjatë këtij viti të përfitojë për ekonominë shqiptare më shumë se një miliard dollar investime. Në vizitën e tij në Berat, Nano ka inauguruar dhe një kopsht publik, ndërtuar krejtësisht me financime të buxhetit të shtetit dhe që tashmë do të frekuentohen nga 130 fëmijë të këtij qyteti./tvklan.al Gazetare – Aranita Brahaj SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/