Xhamisë së Madhe - Reçicë e Madhe - Hatme 2026

HATME NË XHAMINË E MADHE NË REÇICË TË MADHE - TETOVË Më datë 05.04.2026, në Xhaminë e Madhe Reçicë e Madhe, u organizua manifestim solemn me rastin e përfundimit të leximit të plotë të Kur’anit Fisnik – hatme, nga nxënësit e mektebit të kësaj xhamie, nën udhëheqjen e mualimit, Resul ef. Ibishi. Në këtë manifestim, krahas prindërve, familjarëve dhe dashamirëve të fjalës së Zotit, i pranishëm ishte Myftiu i Myftinisë së Tetovës, Dr. Hfz. Selver ef. Xhemaili i shoqëruar nga stafi i tij. Myftiu përgëzoi nxënësit për arritjen dhe përkushtimin e treguar në rrugën e dijes Islame, si dhe shprehi urimet e tyre për nxënësit, mualimin dhe prindërit. Pas programit të përgatitur me përkushtim, hoxha i nderuar, Taxhedin ef. Iljazi e bëri duanë e hatmes, duke i lutur Allahut për pranimin e përpjekjeve dhe dijes së fituar nga nxënësit. Në vijim, u bë shpërndarja e diplomave për nxënësit që përfunduan hatmen, si dhe u shpërnda dhurata për nxënësit dhe një mirënjohje dhe falënderim për mualimin Resul ef. Ibishi për angazhimin e tij. Programin e moderoi referenti për arsim pranë Myftinisë, Mr. Mahmud ef. Emini. Zoti i bekoftë këta të rinjë me dituri të dobishme dhe vepra të mira.