KAULI YA TUNDU LISSU MAHAKAMANI LEO, HAYA YANA MWISHO

Makamu Mwenyekiti wa CHADEMA, Tundu Lissu amewambia Viongozi na Wafuasi wa chama hicho waliofika Mahakama ya Rufani Tanzania kufuatilia mwenendo wa kesi yake ya uhaini kwamba anayopitia yana mwisho. Lissu ameyasema hayo leo Julai 3, 2026 baada ya kuahirishwa kwa kesi ya maombi ya marejeo yaliyowasilishwa na Mkurugenzi wa Mashtaka (DPP) dhidi ya Lissu kuhusu mwenendo wa kesi ya uhaini inayomkabili mahakamani hapo. Baada ya kusikilizwa kwa hoja maombi hayo, Mahakama imeahirisha na imesema itatoa taarifa kuhusu tarehe ya uamuzi. Kwa mujibu wa taarifa hizo, Jamhuri ilifungua maombi ya mapitio Februari 24, 2026 ikitaka Mahakama ya Rufaa ipitie uamuzi wa Mahakama Kuu uliozuia kuwasilishwa kwa ushahidi wa ziada katika shauri hilo. #MillardAyoUPDATES