افغانستان ته ستنو شويو افغان کډوالو ته رسېدګي شوې؟

په وروستیو کې له پاکستان او ایران څخه په سلونو زره افغان کډوال افغانستان ته ستانه شوي، چې ډېری یې په جبري ډول ویستل شوي دي. د ملګرو ملتونو په وینا د راستنېدونکو کسانو ډېره برخه ښځې او ماشومان دي او ګڼې کورنۍ د مناسبې سرپناه له نشتوالي، د کار او عاید له کمښت، روغتیايي او تعلیمي خدمتونو ته د محدود لاسرسي او د مرستندویه ادارو له لوري د بشري مرستو له کمښت سره مخ دي. په افغانستان کې چې له ۲۰ میلیونو ډېر خلک یې بشري مرستو ته اړتیا لري، د کډوالو په ستنېدو دا بحران لا څومره ژورېدلی شي؟ افغانستان کې واکمن طالبان د دوی لپاره کوم امکانات لري او نور افغانان له دغه تازه ستنو شویو سره څه مرسته کولی شي؟ د پخلاېنې د دې اونۍ په خپرونه کې پر همدغه موضوع له میلمنو سره خبرې کوو.