တစ်ကိုယ်တည်းဘဝကို ဟာသအမြဲနှောတဲ့ ဆရာအကြည်တော်နဲ့ တင်မိုးလွင် စကားလက်ဆုံ

ဒီတစ်ပတ် Tin Moe Lwin Talk Show တင်မိုးလွင်နဲ့ စကားလက်စုံ အစီအစဉ်မှာ မမိုးနဲ့ စကားလက်ဆုံကျမယ့် သူကတော့ စာရေးဆရာ အကြည်တော်ဖြစ်ပါတယ်။ တစ်ကိုယ်တည်းဘဝကို ဟာသအမြင်နဲ့ အမြဲရေးသားလေ့ရှိလို့ ဖေ့စ်ဘွတ်ခ်စာမျက်နှာမှာပါ နာမည်ကြီးတဲ့ စာရေးဆရာ လူပျိုကြီးနဲ့ အစီအစဉ်တင်ဆက်သူ အပျိုကြီး မမိုးတို့က ဒီအစီအစဉ်မှာ ရယ်မောစရာ ဟာသတွေနဲ့ အတူ စကားလက်ဆုံကျထားတာဖြစ်ပါတယ်။ ကျောက်သင်းပုန်းနဲ့ မိုးထားတဲ့အိမ်၊ ရွှေမိုးသည်း၊ နတ်နေကိုင်း၊ ကဝေပျို၏ နိဒါန်း၊ ဘီလူးစတဲ့ အောင်မြင်တဲ့ ဟာသ ဝတ္ထုတွေကို ဖန်တီးခဲ့ပြီး ဒီဝတ္ထုတွေကို ရုပ်ရှင်ဇာတ်ကားအဖြစ် ဖန်တီးရာမှာလည်း ဇာတ်ညွှန်းတွေကို ကိုယ်တိုင်ရေးခဲ့သူ စာရေးဆရာ အကြည်တော်ဖြစ်ပါတယ်။ ဆရာအကြည်တော်က ဒီစကားလက်ဆုံမှာ ဒုက္ခဆိုတာ တစ်ချိန်တုန်းက ဟာသပါပဲဆိုတဲ့ သူ့ကိုယ်ပိုင်ဒဿနကို လူငယ်တွေအတွက်ပြန်လည် မျှဝေထားပါတယ်။ တင်မိုးလွင်နဲ့ စကားလက်ဆုံ Tin Moe Lwin Talk Show ကို 7Day TV ကနေ နှစ်ပတ်တစ်ကြိမ် အင်္ဂါနေ့ မနက် ၈ နာရီ တိုင်းမှာ တင်ဆက်သွားမှာဖြစ်ပါတယ်။ နောင်တစ်ပတ်တွေမှာလည်း မတင်မိုးလွင် ဘယ်သူတွေနဲ့ စကားလက်ဆုံကျလို့ ဘာတွေပြောကြမယ်ဆိုတာ စောင့်မျှော်ကြည့်ရှု အားပေးနိုင်ပါတယ်။