Khit Thit Afternoon News | May 20, 2026

Khit Thit သတင်းဌာန၏ မေ ၂၀ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၂၀ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ -မြန်မာအကြမ်းဖက်စစ်တပ်က အရင်က အတိုက်အခံ အဖွဲ့ အစည်းတွေနှင့် ပတ်သက်ပြီး တွေ့ဆုံဆွေးနွေးဖို့ လက်မခံခဲ့ပေမယ့်လည်း အခုတော့ အုပ်စုအားလုံး တစ်စားပွဲတည်းမှာ အတူတကွထိုင်ပြီး ဆွေးနွေးညှိနှိုင်းဖို့ လိုလားတယ်ဆိုပြီး ထုတ်ဖော်ပြောဆိုလာ တယ်လို့ မလေးရှားနိုင်ငံခြားရေးဝန်ကြီး ဒါတို ဆရီ မိုဟာမတ် ဟာဆန် (Datuk Seri Mohamad Hasan) က ပြောကြားလိုက်ပါတယ်။ ကရင်နီပြည်နယ်၊ ဒီးမော့ဆိုမြို့နယ်မှာရှိတဲ့ သမိုင်းဝင် ကက်သလစ်ဘုရားကျောင်းဝင်းတစ်ခုကို မြန်မာ စစ်တပ်က မီးရှို့ဖျက်ဆီးခဲ့တဲ့အပေါ် စစ်ရာဇဝတ်မှုနှင့် လူသားမျိုးနွယ်အပေါ် ကျူးလွန်တဲ့ ရာဇဝတ်မှုတွေ အဖြစ် တရားဝင် သတ်မှတ်ပေးဖို့ အမေရိကန် သမ္မတ ဒေါ်နယ်ထရမ့် အစိုးရအဖွဲ့ဆီကို မြန်မာ့အရေး သုတေသ နအဖွဲ့ ( BRI) က အရေးပေါ် တောင်းဆိုလိုက်ပါတယ်။ အမျိုးသားညီညွတ်ရေးအစိုးရ ၊ ယခင် အလုပ်သမားဝန် ကြီးဌာန (Ministry of Labour) တံဆိပ် နဲ့ အချိန်ပိုင်းအလုပ်ခေါ်ယူတယ်ဆိုပြီး ဖေ့စ်ဘွတ်ခ်မှာ လိမ်လည်ဖြန့်ချိမှုတွေ ပြုလုပ်နေတာကို တွေ့ရှိ ရပါတယ်။ အမေရိကန်သမ္မတ ဒေါ်နယ်ထရမ့်က အီရန်အပေါ် စစ်ရေးအရ အကြီးအကျယ် တိုက်ခိုက်မည့် အစီအစဉ်ကို ယာယီဆိုင်းငံ့လိုက်ပြီးနောက်မှာတော့ ကမ္ဘာ့ရေနံစျေးနှုန်းတွေ အနည်းငယ် ပြန်လည်ကျဆင်းသွားခဲ့ပြီး၊ စတော့စျေးကွက်တွေကတော့ တက်ရိပ်၊ ကျရိပ် ကွဲပြားလျက် တုံ့ဆိုင်းနေကြတဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။