ဘင်္ဂလားဒေ့ရှ်၏ နယ်စပ်ခြံစည်းရိုးစီမံကိန်းနှင့် AA ၏ အခန်းကဏ္ဍ (ရုပ်/သံ)

ဘင်္ဂလားဒေ့ရှ်အနေဖြင့် အာရက္ခတပ်တော် (AA) ကို တရားဝင်အသိအမှတ်ပြုမည်၊ မပြုမည်ဆိုသည်မှာ သံတမန်ရေးမူဝါဒဆိုင်ရာ ဆုံးဖြတ်ချက်တခု ဖြစ်သည်။ သို့သော် နယ်စပ်တလျှောက် မြေပြင်ကို အမှန်တကယ် ထိန်းချုပ်ထားသော အဖွဲ့အစည်းနှင့် ပူးပေါင်းဆောင်ရွက်ခြင်းမရှိဘဲ နယ်စပ်ကို ထိရောက်စွာ စီမံခန့်ခွဲနိုင်မည်လားဆိုသည်မှာ လက်တွေ့အခြေအနေက ဆုံးဖြတ်ပေးမည့် ကိစ္စတခု ဖြစ်သည်။ ဤနှစ်ချက်ကို ရောထွေး၍ မရပေ။ မြန်မာနိုင်ငံ၏ ပဋိပက္ခများက ဒေသတွင်း နိုင်ငံရေးပုံစံကို ဆက်လက်ပြောင်းလဲနေသည့်အချိန်တွင် အစိုးရများအနေဖြင့် “သံတမန်ရေးရာမူဝါဒများထက် မြေပြင်နိုင်ငံရေးအခြေအနေက ပိုမိုလျင်မြန်စွာ ပြောင်းလဲနေသည့် အခြေအနေများ” ကို ပိုမိုရင်ဆိုင်လာရဖွယ် ရှိသည်။ ဘင်္ဂလားဒေ့ရှ်–ရခိုင်နယ်စပ်သည် ယင်းပြောင်းလဲမှုကို အထင်ရှားဆုံး ဖော်ပြနေသည့် နေရာတခု ဖြစ်နိုင်သည်။ ယခုအခါ မြေပြင်အခြေအနေက ပြောင်းလဲသွားပြီဖြစ်ပြီး ဘင်္ဂလားဒေ့ရှ်အနေဖြင့် ထိုအခြေအနေသစ်နှင့် ကိုက်ညီမည့် နိုင်ငံရေးနှင့် သံတမန်ရေးရာမူဝါဒများ လိုက်လျောညီထွေ ပြောင်းလဲလာရန်သာ ကျန်ရှိတော့သည်။ #မြန်မာ #ဧရာဝတီ #ဘင်္ဂလားဒေ့ရှ် #ခြံစည်းရိုး #AA #အာရက္ခတပ်တော် #ဘူးသီးတောင် #မောင်တော #WhatsHappensInMyanmar ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ    / @irrawaddynews1993   Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။ စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation