ግብርና በእውቀትና በሲስተም መመራት አለበት "ቀኝአዝማች መስፍን"

ግብርና በእውቀትና በሲስተም መመራት አለበት "ቀኝአዝማች መስፍን" የግብርና ቢሮ በ2017 ዓ.ም በአዲሱ የኤክስቴንሽን አደረጃጀት እና የስርዓተ-ምግብ ሞዴል መንደር የግንዛቤ ማስጨበጫ መድረክ አካሄደ የአማራ ክልል የግብርና ቢሮ አመራሮች፣ ዳይሬክቶሬቶች፣ የፕሮጀክት አስተባባሪዎች፣ የምዕራብ አማራ ቀጠና ከሁሉም ዞንና ወረዳ የተውጣጡ የግብርና ኤክስቴንሽን ኮሙኒኬሽን ቡድን መሪና የስርዓተ-ምግብ ባለሙያዎችና ሌሎች የሚመለከተው አጋር አካላት በመድረኩ ተሳትፈዋል። በመድረኩ ተገኝተው የመክፈቻ ንግግር ያደረጉት የአማራ ክልል ግብርና ቢሮ ምክትል ቢሮ ኃላፊ አቶ ቃልኪዳን ሽፈራው ሲሆኑ የመድረኩን አላማና አስፈላጊነት ተናግረው አዲሱን አደረጃጀት ወደ ተግባር ለማስገባትና ስርዓተ-ምግብ ሞዴል መንደርን በተቀናጀ መንገድ ሰርቶ ለማስመረቅ ተግባሩን በዕውቀት መምራት አስፈላጊ ስለሆነ መድረኩ ወሳኝ እንደሆነ ገልጸዋል። ለውይይት መድረኩ መነሻ የሚሆኑ ሁለት ሰነዶች በተከታታይ የቀረቡ ሲሆን የመጀመሪያው በቢሮው የኤክስቴንሽን ኮሙኒኬሽን ዳይሬክተር በአቶ ቀኝአዝማች መስፍን የቀረበ ሲሆን ለአንድ ተቋም ውጤታማነት ጠንካራ አደረጃጀትና የሚያሰራ ሲስተም መፍጠር ወሳኝነት እንደለውና ይህ አዲስ የኤክስቴንሽን አደረጃጀትም ለግብርና ኤክስቴንሽን ሲስተሙ ጥራትና ተደራሽነት አስፈላጊ መሆኑን አስገንዝበዋል። በመቀጠል የቢሮው የምግብና የስርዓት-ምግብ ዳይሬክተር አቶ አብርሃም ሙጨ በበኩላቸው በአማራ ክልል ያለውን ስር የሰደደ የመቀንጨር ችግር ለመቀነስ የተቀናጀ የስርዓተ-ምግብ ሞዴል መንደርን ማዕከል በማድረግ ሌሎች ተግባራትንም በማቀናጀት መንደሮችን እያስመረቁ መሄድ እንደሚያስፈልግ አብራርተዋል:: በመጨረሻም መድረኩን የመሩት ሁለቱ ዳይሬክቶሮቶች ለተነሱ ሃሳቦች ማጠቃለያ በመስጠትና በ6 ወር ዕቅድ አፈጻጸም፣ የተሻለ አፈጻጻም ያለቸውን ዞኖችና ኮኮብ ፈፃሚ ባለሙያዎችን የማበረታቻ የምስክር ወረቀት በመስጠት መድረኩ ተጠናቋል። ተጨማሪ መረጃዎችን ከአማራ ክልል ግብርና ቢሮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ ድረ-ገጽ http://www.amhboard.gov.et/ ቴሌግራም  https://t.me/AmharaBureauofAgriculter ፌስቡክ  https://www.facebook.com/profile.php?... ዩትዩብ     / @amharaagriculturebureau6055   ቲክቶክ   / amhara.agricultur