CHANZO CHA AJALI KILICHOSABABISHA VIFO VYA MASISTA WANNE WA SHIRIKA LA MT. THERESIA WA MTOTO YESU

Akithibitisha tukio hilo, Kamanda wa Polisi Mkoa wa Mwanza, Wilbroad Mutafungwa, amesema ajali hiyo ilitokea majira ya saa mbili usiku wa kuamkia leo na kusababisha vifo vya masista wanne na dereva mmoja. Kamanda Mutafungwa amesema uchunguzi wa awali unaonesha chanzo cha ajali hiyo ni mwendokasi wa gari ndogo ambalo lilikuwa likijaribu kulipita gari jingine bila kuchukua tahadhari, kisha kugongana na lori lililokuwa linakuja kutoka upande wa mbele. Waliofariki dunia wametajwa kuwa ni Sister Nelina Semeoni (60), Sister Lilian Kapongo (55), Sister Damaris Matheka (51), raia wa Kenya, Stellamaris Kameme (48), raia wa Kenya na dereva Boniphace Peter (53).