မြန်မာလုပ်သားအား ဖမ်းဆီး ရိုက်နှက်သူကို ဖော်ထုတ်ဖို့ ဆုကြေးထုတ် (ရုပ်/သံ)

ထိုင်းနိုင်ငံ၊ ချင်းမိုင်ခရိုင်၊ မယ့်တန်ဒေသမှာ မြန်မာရွှေ့ပြောင်းလုပ်သားတဦးကို အုပ်စုဖွဲ့ ဖမ်းဆီးခေါ်ဆောင်ပြီး လူမဆန်စွာ အပြင်းအထန် ရိုက်နှက်ခဲ့တဲ့ ဖြစ်စဉ်တခု ဖြစ်ပွားခဲ့ပါတယ်။ ဒဏ်ရာအပြင်းအထန် ရရှိခဲ့သူကတော့ အသက် (၃၆) နှစ်အရွယ် ကယောတိုင်းရင်းသား ကိုထွန်းအီ ဖြစ်ပြီး၊ သူဟာ ပြီးခဲ့တဲ့ ဇူလိုင်လ ၁၄ ရက်နေ့ ညပိုင်းက သူ့ရဲ့ညီဖြစ်သူကို ကျေးရွာတခုဆီ လိုက်လံပို့ဆောင်ပေးပြီး အလုပ်လုပ်ရာ ဆင်စခန်းကိုအပြန် လမ်းပေါ်မှာရှိ စစ်ဆေးရေးဂိတ်တခုမှာ အခုလို ဖမ်းဆီးရိုက်နှက်တာကို ခံခဲ့ရတာ ဖြစ်ပါတယ်။ လက်ရှိမှာတော့ ဒီအမှုနဲ့ ပတ်သက်ပြီး ပြစ်မှုကျူးလွန်သူတွေကို အမြန်ဆုံး ဖော်ထုတ်ဖမ်းဆီးနိုင်ဖို့ အတွက် ကိုထွန်းအီရဲ့ အလုပ်ရှင်ဖြစ်သူက သတင်းပေးနိုင်သူကို ထိုင်းဘတ်ငွေ ၅ သောင်း ဆုကြေးငွေ ပေးအပ်သွားမယ်လို့ လူမှုကွန်ရက် စာမျက်နှာကတဆင့် ထုတ်ပြန်ကြေညာထားပါတယ်။ #မြန်မာ #ဧရာဝတီ #ဆင်စခန်း #ချင်းမိုင် #ရွှေ့ပြောင်းလုပ်သား #Elephant ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ    / @irrawaddynews1993   Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။ စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation