«De bares» (cap. 4 -T2-01/11/15)

Pouco importa en Casa Méndez que non se poda extraer mexillón por mor da temida toxina. Neste restaurante de Oleiros ofrecen alternativas coma o raxo coa súa particular salsa ou suculentos pratos de caza en inverno. Se o que queremos é tomar unhas tapas, botamos man daquilo de «para comer... Lugo». Alí, na zona dos viños, atopamos o Cinco Vigas e probamos a súa especialidade: champiñóns á crema. O Papuxa, en Ribadavia, leva o termo enxebre ao extremo: seremos nós mesmos os que botemos o viño directamente do pipote mentres escoitamos cantos tabernarios. En Vigo, e falando de tabernas, hai unha que rexurde en pleno casco Vello, A Mina. Tres rapaces emprendedores encárganse dun emblemático local que segue fiel á cociña tradicional galega.