«De bares» (cap. 8 -T2- 6/12/15)

Cunha estética que non mudou dende os anos 50 e respectando a cociña do fundador, o Express é un clásico en Curtis con moitos clientes fieis. Tamén hai clientela de toda a vida no Mesón Os Arcos de Mondoñedo. Dous irmáns poñen de novo en marcha un local no que veciños e visitantes da vila mariñá teñen o seu punto de encontro. En Allariz achegámonos a unha taberna chea de pinchos, Os Pacos. E en Baiona a parada será no Acuarela. Alí pintan moito os pratos canarios e venezolanos froito da procedencia e bo facer dos seus donos.