BODI YA KOROSHO TANZANIA YATOA VITI NA MEZA KWA SHULE YA SEKONDARI BANDARI MTWARA

Mkurugenzi Mkuu wa Bodi ya Korosho Tanzania, Francis Alfred, Mei 28,2026 ametoa msaada wa viti vitano (5) na meza tano (5) vyenye thamani ya shilingi 560,000.00/= kwa Shule ya Sekondari Bandari iliyopo Manispaa ya Mtwara Mikindani mkoani Mtwara, ikiwa ni sehemu ya mchango wa taasisi hiyo katika kusaidia mazingira bora ya kujifunzia na kufundishia kwa wanafunzi. Vifaa hivyo vilipokelewa na Mkuu wa Shule ya Sekondari Bandari, Bw. Mbaraka Ally Chimela, kwa kushirikiana na Mwalimu wa Matengenezo na Vifaa wa shule hiyo, Mwalimu Ally Mohamed Mzee, ambao walieleza shukrani zao kwa Bodi ya Korosho Tanzania kwa kuguswa na mahitaji ya shule hiyo.