Ağızda Əriyən Qozlu Kətə Resepti😍 | Bu Resept Möhtəşəmdir👌🏻

Ərzaqlar Xəmir üçün: • 500 qr un • 250 qr soyuq kərə yağı • 1 çay qaşığı qabartma tozu • 1/3 çay qaşığı duz • 200 qr xama (20–25%) • 1 ədəd yumurta İçlik üçün: • 250 qr qoz ləpəsi • 200 qr şəkər tozu • 40 qr kərə yağı • 1 çay qaşığı hil • Zövqə görə darçın (mən 1/3 çay qaşığı əlavə etdim) Əlavə: • 1 yumurtanın ağı (xəmirin arasına çəkmək üçün) Üzəri üçün: • 1 yumurta sarısı • 1 çay qaşığı süd 🥣 Hazırlanması Əvvəlcə qaba unu və soyuq doğranmış kərə yağını əlavə edib əlimizlə umac halına gətiririk. Üzərinə qabartma tozu və duzu əlavə edib qarışdırırıq. Başqa qabda xama və yumurtanı qarışdırıb umacın üzərinə əlavə edirik. Xəmiri çox yoğurmadan, sadəcə toparlanana qədər qatlayaraq yoğururuq. Xəmir halını alan kimi kifayətdir. Hazır xəmiri hava almayacaq şəkildə paketləyib soyuducuya qoyuruq. İçlik üçün qoz ləpəsi, şəkər tozu, hil və zövqə görə darçını qarışdırırıq. Sonda əridilmiş kərə yağını əlavə edib içliyi hazır edirik. Xəmiri iki bərabər hissəyə bölürük. Lazım olduqda az-az un əlavə edib yayırıq və kənarlarını kəsirik. Yumurtanın ağını sarısından ayırırıq. Ağını yayılmış xəmirin üzərinə çəkirik. Bu üsul həm bükərkən, həm də kəsərkən kətənin dağılmamasına kömək edir. Hazırladığımız içliyin yarısını xəmirin üzərinə yayıb əlimizlə hamarlayırıq və yüngülcə basırıq. Sonra qatlayıb bükürük. Hər qatladıqca üzərinə yüngülcə basırıq. Kətələri doğrayırıq. Ayırdığımız yumurta sarısına 1 çay qaşığı süd əlavə edib qarışdırırıq və üzərinə çəkirik. Çəngəllə naxışlar veririk. Əvvəlcədən 180 dərəcə qızdırılmış sobada, alt-üst rejimdə üzəri gözəl qızarana qədər bişiririk. 😍 Nəticədə ağızda əriyən, qat-qat və çox ləzzətli kətələrimiz hazırdır. Hazırlayacaq hər kəsə nuş olsun! #sirniyyatlar #tatlıtarifleri #kurabiye