જીવનની વાસ્તવિકતા (૪૦) આ દુનિયામાં સૌથી ખતરનાક વ્યક્તિ કોણ છે?

અશ્વિન મહેતા યુ ટ્યુબ ચેનલ જીવનની વાસ્તવિકતા (૪૦) આ દુનિયામાં સૌથી ખતરનાક વ્યક્તિ કોણ છે? (જે પોતાની શક્તિનો અહંકાર કરે તે સૌથી ખતરનાક છે.) મિત્રો, એક ક્ષણ માટે આંખો બંધ કરો. અને કલ્પના કરો, તમારા શહેરમાં, તમારા વિસ્તારમાં, તમારા ગામમાં, તમારી સોસાયટીમાં તમને એવું લાગે છે કે મારા કરતાં વધારે બહાદુર કોઈ નથી. પણ અચાનક એક દિવસ તમારી સામે એવી વ્યક્તિ આવી જાય, જે તમારી કરતાં વધુ બહાદુર હોય, વધુ બુદ્ધિશાળી હોય, વધુ શક્તિશાળી હોય અને કદાચ તમારી કરતાં ઘણી મોટી સિદ્ધિ મેળવી ચૂકી હોય. ત્યારે શું થશે? શું તમારો અહંકાર તૂટી જશે? કે પછી, તમારી આંખો પહેલી વાર સાચી દુનિયા જોશે? અશ્વિન મહેતા યુ ટ્યુબ ચેનલની જીવનની વાસ્તવિકતા શ્રેણીમાં આજના આ વિચારની શરૂઆત જ એક એવી સચ્ચાઈથી કરીએ. માણસ પોતાને બહાદુર માને છે, જ્યાં સુધી તેને પોતાનાથી પણ વધારે બહાદુર માણસ ન મળે. હું સારો છું, પરંતુ હું જ સૌથી સારો છું એવું જરૂરી નથી. આ એક વિચાર જો માણસ જીવનમાં અમલમાં આવી જાય, તો અહંકાર માટે જગ્યા જ રહેતી નથી. ઘણા લોકો કહે છે મને કોઈ હરાવી શકે નહીં. પરંતુ હું કહું છું કે પરિસ્થિતિઓ બદલી શકે છે, સમય બદલાઈ શકે છે, સંજોગો બદલાઈ શકે છે, અને તમારા કરતાં વધુ સક્ષમ વ્યક્તિ પણ ક્યારેક તમારી સામે આવી શકે છે. દુનિયામાં એવા લોકો પણ છે જેઓ કરોડો લોકો પર રાજ કરે છે. પરંતુ કોઈ એક વ્યક્તિ સામે નબળા પડી શકે છે. કોઈ માણસ શારીરિક રીતે ખૂબ શક્તિશાળી હોઈ શકે છે. પરંતુ ભાવનાત્મક રીતે નબળો હોઈ શકે છે. કોઈ વ્યક્તિ ખૂબ બુદ્ધિશાળી હોઈ શકે છે. પરંતુ નિર્ણય લેવામાં નબળી હોઈ શકે છે. કોઈ વ્યક્તિ ખૂબ ધનિક હોઈ શકે છે. પરંતુ શાંતિમાં ગરીબ હોઈ શકે છે. અને કોઈ વ્યક્તિ સામાન્ય જીવન જીવતી હોય. પરંતુ અંદરથી અત્યંત સંતોષી અને સુખી હોઈ શકે છે. આથી કોઈ એક ગુણને આધારે પોતાને સંપૂર્ણ માનવું એ જીવનની સૌથી મોટી ભૂલ છે. કારણ કે દરેક માણસ પાસે જે કંઈક છે તે બીજામાં નથી. અને દરેક માણસ પાસે કંઈક એવું નથી જે બીજા પાસે છે. આ જ જીવનની સુંદરતા છે. હવે હું તમને આજના વિડિયાનો સૌથી મહત્વનો વિચાર આપું છું. જો તમે જીવનમાં ખરેખર મોટા બનવા માંગો છો તો તમારા કરતાં નાના માણસને માન આપો. તમારા કરતાં મોટા માણસ પાસેથી શીખો. અને તમારા સમકક્ષ માણસ સાથે પ્રેમથી જીવો. આ ત્રણ વાતો જીવનમાં આવી જાય. તો માણસના જીવનમાં અહંકાર માટે કોઈ જગ્યા રહેતી નથી. અને જ્યાં અહંકાર નથી ત્યાં શીખવાની શરૂઆત થાય છે. જ્યાં શીખવાની શરૂઆત થાય છે ત્યાં પ્રગતિ શરૂ થાય છે. અને જ્યાં પ્રગતિ શરૂ થાય છે ત્યાં સાચી સફળતા જન્મે છે. કલ્પના કરો, તમારી સામે તમારાથી વધુ બહાદુર વ્યક્તિ ઊભી છે, તમારી સામે તમારાથી વધુ બુદ્ધિશાળી વ્યક્તિ ઊભી છે, તમારી સામે તમારાથી વધુ સફળ વ્યક્તિ ઊભી છે, તમારી સામે તમારાથી વધુ શક્તિશાળી વ્યક્તિ ઊભી છે, ત્યારે તમે શું કરશો? જો તમે અહંકારી છો, તો તમે કહેશો હું તેને હરાવીશ. પરંતુ જો તમે સમજદાર છો તો તમે કહેશો હું તેની પાસેથી શીખીશ. આ જ ક્ષણે તમારી અંદરનો અહંકાર હારી જાય છે. અને તમારી અંદર સાચો વિજેતા જન્મે છે. તો ચાલો આજે એક સંકલ્પ કરીએ, હું મારી સફળતાનો અહંકાર નહીં કરું, હું મારી સંપત્તિનો અહંકાર નહીં કરું, હું મારા જ્ઞાનનો અહંકાર નહીં કરું, હું મારી શક્તિનો અહંકાર નહીં કરું, હું મારી બહાદુરીનો અહંકાર નહીં કરું. પરંતુ હું મારી ક્ષમતાનો સન્માન કરીશ, હું મારી મર્યાદાઓનો સ્વીકાર કરીશ. હું બીજાની શ્રેષ્ઠતાથી પ્રેરણા લઈશ. હું દરરોજ મારી જાતને ગઈકાલ કરતાં વધુ સારી બનાવવાનો પ્રયાસ કરીશ. આજના વિડિયાનો અંત એક એવી વાતથી કરીએ જે કદાચ તમારા હૃદયમાં લાંબા સમય સુધી રહેશે. જ્યાં સુધી તમે તમારાથી મોટા માણસને મળ્યા નથી, ત્યાં સુધી તમને લાગે છે કે તમે સૌથી મોટા છો. પરંતુ જ્યારે તમને તમારા કરતાં વધુ બહાદુર માણસ મળે ત્યારે તમારી બહાદુરીની કસોટી થાય છે. જ્યારે તમને તમારા કરતાં વધુ બુદ્ધિશાળી માણસ મળે ત્યારે તમારી સમજણની કસોટી થાય છે. જ્યારે તમને તમારા કરતાં વધુ સફળ માણસ મળે ત્યારે તમારી નમ્રતાની કસોટી થાય છે અને જ્યારે તમને તમારા કરતાં વધુ શક્તિશાળી માણસ મળે ત્યારે તમારા વ્યક્તિત્વની કસોટી થાય છે. પરંતુ યાદ રાખજો બીજાથી હારી જવું એ જીવનની હાર નથી. પરંતુ બીજાની શ્રેષ્ઠતા સ્વીકારવામાં અસમર્થ થવું એ ખરેખર હાર છે. અને કદાચ જીવનનો સૌથી મોટો વિજેતા એ નથી જે દરેકને હરાવે છે. *સૌથી મોટો વિજેતા તો એ છે જે પોતાની અંદરના અહંકારને હરાવે છે, જે બીજાની સફળતાથી બળતો નથી પરંતુ પ્રેરણા લે છે. જે પોતાની શક્તિ જાણે છે, પરંતુ બીજાની શક્તિનો પણ આદર કરે છે. જે જીત્યા પછી પણ નમ્ર રહે છે. અને જે જાણે છે કે આ દુનિયામાં હું સારો છું. પરંતુ મારા કરતાં પણ સારા લોકો છે. અને તેમની પાસેથી શીખવાની મારી સફર ક્યારેય પૂરી થવાની નથી. બહાદુર બનો પરંતુ અહંકારી નહીં, સફળ બનો, પરંતુ અભિમાની નહીં, શક્તિશાળી બનો, પરંતુ નમ્ર રહો. અને વિજેતા બનો પરંતુ બીજા વિજેતાઓને ઓળખવાની ઉદારતા પણ રાખો. કારણ કે જ્યારે તમને તમારાથી મોટો વિજેતા મળે, ત્યારે ડરશો નહીં. કદાચ કુદરત તમને હરાવવા નહીં, પરંતુ તમને વધુ મોટું બનવાનું શીખવવા આવી છે. આ સુંદર વિચાર સાથે આજે મને રજા આપશો. આપને આ વિચાર ગમ્યો હોય તો વિડિયોને Like કરજો. તમારા પરિવારજનો અને મિત્રો સાથે Share કરજો. અને આવા જ પ્રેરણાદાયી અને જીવનને નવી દિશા આપતા વિચારો સાંભળવા માટે અશ્વિન મહેતા યુ ટ્યુબ ચેનલને Subscribe કરવાનું ભૂલશો નહીં. ફરી મળીશું એક નવા વિચાર સાથે... ધન્યવાદ.