Avtobuslarda to‘siqsiz muhit qanday ta’minlanmoqda? Holatlar joyida o‘rganildi.

👍Ijtimoiy inspeksiya hamda Transport nazorat inspeksiyasi bilan hamkorlikda jamoat transportida nogironligi bo‘lgan shaxslar uchun yaratilgan qulay va to‘siqsiz muhit holati yuzasidan navbatdagi reyd tadbiri o‘tkazildi. O‘rganishlar 11-sonli “Mahalliy havo yo‘llari aeroporti — Beltepa massivi”, 28-sonli “Yangiobod turar joy mavzesi — Tibbiyot akademiyasi” hamda 46-sonli “Birlik mavzesi — Ret zavodi” yo‘nalishlarida olib borildi. Reyd davomida ayrim holatlarda haydovchilar nogironligi bo‘lgan shaxslarning ishoralariga e’tibor qaratmagani, maxsus tugma orqali berilgan signalga munosabat bildirmagani, aravachadagi yo‘lovchiga zarur yordam ko‘rsatmagani, shuningdek, ba’zi avtobuslarda chaqiruv tugmalari nosoz ekani aniqlandi. Shu bilan birga, ijobiy holatlar ham kuzatildi. Xususan, barcha o‘rganilgan avtobuslarda monitorlar soz ishlagani, ayrim holatlarda avtobuslar belgilangan joyda to‘xtagani, pandus tushirilgani va aravachadagi yo‘lovchiga amaliy yordam ko‘rsatilgani qayd etildi. Reyd yakunida aniqlangan kamchiliklar yuzasidan avtobus haydovchilariga tegishli ko‘rsatma va tavsiyalar berildi.