Metrodagi maxsus liftlar: mavjud holat va aniqlangan kamchiliklar

👥 Ijtimoiy inspeksiya tomonidan Toshkent metropoliteni bekatlarida o‘rnatilgan ko‘tarish moslamalarining holati o‘rganildi. 🧮 O‘rganish davomida “Xalqlar do‘stligi” metro bekatidagi 3 ta ko‘tarish moslamasidan 2 tasi soz holatda ishlayotgani, 1 tasi esa elektr ta’minotiga ulanmagani sababli hali foydalanishga topshirilmagani aniqlandi. 🧮 Shuningdek, “Buyuk ipak yo‘li” metro bekatidagi 5 ta ko‘tarish moslamasidan 4 tasi ishlayotgan bo‘lsa, 1 tasida quvvatlantirish uskunasi (akkumulyator batareyasi) nosozligi sababli vaqtincha ishlamayotgani ma’lum bo‘ldi. 👮‍♂️ Aniqlangan kamchiliklarni bartaraf etish yuzasidan ishlab chiqaruvchi korxona “TEXNOPARK” MCHJ hamda mas’ul tashkilotlarga tegishli ko‘rsatmalar berilib, ishlarni yakunlash muddatlari belgilandi. Bugungi kunga qadar Toshkent metropolitenining 23 ta bekatiga jami 68 ta maxsus lift uskunasi o‘rnatilgan bo‘lib, shundan 38 tasi foydalanishga topshirilgan.