MAINJINIA WA HALMASHAURI WAMCHUKIZA NAIBU WAZIRI SILINDE KWA KUWAPOTOSHA WALIMU WAKUU

Naibu waziri wa TAMISEMI David Silinde amesema Wahandisi wa halmashauri nchini wanaongoza kwa kuikosea serikali kwa kushauri vibaya kitaalam katika miradi ya ujenzi kwakuweka gharama za juu zaidi hali inayopelekea kutokukamilika kwa miradi kutokana na kutokufuta bajeti inayopangwa na serikali kuu. Naibu waziri Silinde amesema hayo baada ya kutembelea miradi ya ujenzi wa mabweni katika halmashauri za Bariadi na Itilima mkoa wa Simiyu na kukuta haujakamilika huku wakilalamikiwa waandisi kwa kutoa makisio ya bei za juu ya ujenzi kuliko makisio yaliyotolewa na ofisi ya Tamisemi. "Nimepita katika halmashauri zingine gharama ile tuliyotoa ya milion 80 imemaliza ujenzi sababu walimu wakuu walibana matumizi,lakini wengi walioshindwa kumaliza walifata ushauri wa waandisi ambao uliwapotosha na kuweka gharama kubwa zaidi na kufanya walimu kuingia matatizoni kwa matumizi mabaya ya fedha hali iliyopelekea kuwasimamisha nyadhifa zao" Kwa upande wake mkuu wa wilaya ya Bariadi Festo Kiswaga amemuhaidi naibu waziri Silinde kua mpaka ifikapo mwezi wa tano majengo yote ya mabweni yatakua yamekamilika kwa fedha za ndani baada ya fedha walizoletewa na serikali katika shule mbili wilayani kwake kwa ujenzi wa mabweni milion 160 kuisha. Katika hatua nyingine Naibu waziri Silinde amewaagiza wakuu wa shule za Itilima sekondari, Bariadi sekondari,Nyasosi sekondari na maafisa elimu sekondari wilaya ya Bariadi na Itilima kuandika barua ndani ya siku ya kwanini wamechelewa kumaliza ujenzi na lini watakamalisha ujenzi huo na wakishindwa basi atawavua nyadhifa zao