Romeo Skënderasi & Kostika Zdruli- Kaloja rrugës sate

Këngët korçare aq të dashura për të gjithë janë kënduar jo vetëm në qytetin e Korçës, por edhe në disa fshatra përrreth si Drenova, Polena, Dardha, Hoçishti e Ziçishti, të cilët në vitet ’30 e në vazhdim kanë pasur një zhvillim artistik dhe kulturor. Në këto fshatra janë kënduar dhe interpetuar shumë bukur këngët që janë pjesë e repertorit të korit “Lira”, por edhe këngë të tjera lirike ku spikatin nuancat e melankolisë, motivet e dashurisë, dhimbja, pikëllimi etj. Një këngë e tillë me motive muzikore dhe tematikën e tekstit është edhe kënga Hoçishtare “Kaloja rrugës sate”. Tekstin e kemi dëgjuar edhe me një strofë të tretë, por më së shumti e kemi dëgjuar të këndohet me dy strofa, ndaj po e inepretojmë kështu. Këtë këngë e kemi dëgjuar të interpetuar shumë bukur nga mikja jonë këngëtarja Spanja Pipa. Kemi dëgjuar realizimin e serenatistëve Genci Kadilli dhe Ilir Dishnica. Them me krenari se një interpetim original dhe artisitk realizojmë shpesh në muzikë live me miqtë e mi Ilia Doko, Apostol Caca dhe Xhorxhia Xhixho tek “Vila Cofiel”.