MAZITO YA SHEIKH MPYA WA DSM ADAI ATACHUKUA USHAURI KWA SHEIKH WALID ATOBOA SIRI NZITO UNDUGU !

Kaimu Sheikh wa Mkoa wa Dar es salaam, Sheikh Abbas Ramadhan amesema hajapata usingizi wa kutosha tangu alipokabidhiwa jukumu la kuongoza ofisi hiyo, akieleza kuwa ukubwa wa dhamana ya kuongoza na kulea Waumini ndiyo unaompa hofu na kumfanya aendelee kumuomba Mwenyezi Mungu ampe uwezo wa kutekeleza majukumu yake. Sheikh Abbas amesema hayo leo, Julai 18, 2026 baada ya kukabidhiwa rasmi ofisi kutoka kwa aliyekuwa Sheikh wa Mkoa wa Dar es salaam, Sheikh Walid Alhad Kawambwa. Amesema amepokea nafasi hiyo kwa huzuni kutokana na uzito wa jukumu la kuongoza na kulea roho za Waumini, huku akimpongeza Sheikh Walid kwa mchango wake na kueleza kuwa amekuwa kama Kaka na Mlezi wake. “Kukaimu nafasi hii ya Sheikh wa Mkoa wa Dar es salaam nimeipokea kwa huzuni kwa sababu tuna jukumu kubwa la kulea roho za watu na kumtumikia Allah na tangu nikaikabidhiwa nafasi hii sijalala kwa sababu ni dhamana kubwa sana,”. “Namuomba Mwenyezi Mungu aniwezeshe kutekeleza wajibu wangu na nilete mabadiliko yenye manufaa,” amesema Sheikh Abbas.