Христос се роди денес - Божикна песна

Во пресрет на Празникот на светлото Христово Раѓање — празникот што ги буди срцата и ги осветлува душите — време е да ви подариме нешто што навистина ќе ги растрепери вашите чувства и ќе внесе љубов и топлина во вашите домови. ✨❤️ Дојде моментот да го исполниме ветувањето и да ви ја подариме најново возобновената божикна песна „Христос се роди денес“, овој пат посветена на возрасните. Искрено се надеваме дека гледајќи го спотот — со својата благост, смирение и убавина — многумина ќе посакаат да се вратат кон древните, драгоцени и побожни божикни традиции со кои со векови се славело Рождеството Христово. Со особена љубов и почит, дозволете ни да изразиме бескрајна благодарност до Бигорскиот манастир, чиј благослов и несебична соработка беа темел и светлина на овој, како и на сите претходни проекти.✨✨✨ Длабока благодарност упатуваме и до маестро Владимир Димовски, чиј возвишен аранжман и оркестрација внесе душа и срце во оваа песна, како и до прекрасните музичари: виолина – Владимир Костов, Елена Талевска, Петар Тасески, Ѓоргина Поповска, Марија Јанчулеска, Владимир Цветковски, Коста Андоновски, Бранислав Автовски, Момчило Куфојанакис, Игор Милевски; виоли – Марија Димитријевиќ, Александар Стојчевски, Александар Лаовски; виолончело – Кирил Јосифов, Паскал Краповски, Љупка Манчевска Каевиќ; контрабас – Митко Иванов; кларинет – Петар Христов; канон – Тимко Чичаковски; харфа – Симона Богоевска. Диригент и синтисајзер: Иван Еминовиќ. Песната ја изведува Вера Милошевска, чиј ангелски глас, длабока чувствителност и искрена посветеност му дадоа препознатлива душа и благодат на ова дело. Заедно со неа учествува и традицискиот оддел при ДМБУЦ „Илија Николовски – Луј“, создавајќи топла и автентична звучна целина.❤️✨ Песната е снимена во студио „Фаме’с“, со микс на Игор Василев и едит на Теодора Арсовска. Режијата, монтажата и продукцијата на видеото ги потпиша Даниел Јовески, со асистенција на Ристе Филипов. Во овој проект, со својата искреност, талент и човечка топлина, учествуваа над 80 прекрасни луѓе, меѓу кои и познатите македонски актери: Јоана Поповска, Дубравка Киселички, Владо Јовановски, Горан Илиќ, Љупчо Бојковски и Владо Дојчиновски. Волшебната костимографија ја создаде Жаклина Крстевска Караѓозоска, а за нежните, свечени шминки се погрижија Викторија Бурсак и Маргарита Миновски. Кон сите нив испраќаме неизмерна благодарност, почит и љубов. ❤️✨ Покрај сите гореспоменати, најтопло се заблагодаруваме и на многубројните помагатели — Владимир Анастасов, „Ноа бар“, Општина Охрид, Музеј на град Охрид, МВР Скопје, СВР Охрид, Пекарница „Жито Леб“, хотел „Нова Ривиера“ и директорот Јане Тодоровски — кои со својата добрина и отворени срца помогнаа ова дело да стане реалност и да внесе Божикна светлина кај секој што ќе го допре. ✨🎄 Во продолжение, ви го приложуваме и текстот на песната која што умее веднаш да го разбуди празничниот дух: Христос се роди денес Добровечер, домаќини, ако има во вас желба, да раскажам за светото раѓање на Христа Бога. Христос се роди денес во Витлеем јудејски, небесата се веселат, сета твар се радува. Во пештера се раѓа, во јасли на животните, Царот на небесата и Творецот на вселената. Мноштво на ангели пеат: „Слава во висините“ и достојна за восхит е верата на пастирите. Од Персија доаѓаат, тројца мудреци со дарови, ги води светла ѕвезда, без да ги задоцнува. Во овој дом што пееме, камен да не падне, домаќинот на куќава, долго жив да биде. И добра ноќ, одморете, па во црква брзо појдете, на светата Литургија со многу побожност и радост. И дома штом се вратите, на трпеза да каснете, дајте и на сиромаси, за никој да не снема. Дајте ни нам што пееме, колку има во вас желба, и Христос Бог наш секогаш помошник да ви биде. Христос се роди! За многу години! 🙏❤🌟 Сите права се задржани! Здружение на граѓани „Бадникови поворки“.